Astanada mıkrobıologıalyq kórsetkishterge saı kelmeıtin TM «Bambino» balmuzdaǵy anyqtaldy, dep habarlaıdy QazAqparat.

 «2018 jyldyń 7-9 sáýirinde jáne 23 naýryzynda shyqqan ónimderdi tekserý barysynda balmuzdaqtyń eki túrinen 0,01 g ishek taıaqshalary tobynyń bakterıalary tabyldy. Shyǵarylǵan kúni de jazylmaǵan»,-dep habarlaıdy vedomstvo.

Sonymen qatar ónimniń barlyǵy Saryarqa aýdany, Taıbýryl kóshesi 7 mekenjaıynda ornalasqan dúkende satylyp ketken.

Mıkroorganızmder tabylǵan atalmysh balmuzdaq óndiris sehynan da shyqty. Sonymen qatar birqatar sanıtarlyq-gıgıenalyq talaptardyń óreskel buzylý faktileri tirkeldi.

Osyǵan baılanysty balmuzdaq óndirýshi «Bannur NS» JSHS-na ákimshilik sharalar qoldanylyp, talaptardy saqtaý boıynsha merzim berildi. Atalǵan merzim ishindegi talaptardyń oryndalýy departament baqylaýyna alyndy.

«Banýr NS» JSHS daıyn ónimderi «Arýjan», «Kerýen», «Kerýen Sıtı», «Azıa-park», «Han shatyr», «Saryarqa», «Mega SW» jáne basqa jerlerdegi saýda núktelerinde satylady.

Vedomstvo turǵyndardan «Banýr NS» JSHS óndiretin TM «Bambino» baluzdaǵynyń 2018 jyldyń 5-9 sáýirinde jáne 23 naýryzynda shyqqan ónimderi anyqtalǵan jaǵdaıda tel. 31-71-39, faks: (8-7172) 31-61-10; e-mail: astana.dooz@mz.gov.kz baılanys telefondaryna habarlaýyn suraıdy.