Memleket basshysy Nursultan Nazarbaev naǵyz dárigerdiń portretin sýrettep berdi, dep habarlaıdy Qamshy.kz aqparat agenttigi.

— Negizi, adam medısınaǵa óz qalaýymen, óz yqylasymen baryp, dáriger bolýy tıis. Sebebi adamnyń aǵzasy  - ol Jaratýshynyń eń kúrdeli mehanızmi.Sondyqtan medısına jolyna burylys-qaltaryspen túsýge bolmaıdy. Jaqynda aıtty ǵoı, dıplomdy satyp alyp, ýnıversıtetke tústi dep. Ondaı dárigerdiń qolyna túsýden qudaı saqtasyn. Sol sebepti barlyq medısınalyq ýnıversıtterdiń stýdentterine aıtarym, kún saıyn medısına ǵylymy tyń jańalyqtardy shyǵaryp jatady. Sony bárin bilip otyrý qajet. Ol úshin dáriger aǵylshyn tilin mindetti túrdi bilýi tıis. Álemdik ádebıetterdi únemi oqyp otyrǵan jón. Tyń jańalyqtardan tys qalmaý qajet, - dedi N.Nazarbaev Qazaqstan halqy Assambleıasynyń XXVİ sesıasynda.

Prezıdenttiń aıtýynsha, árbir dáriger adamǵa jaqyn bolýy qajet. Onyń ishki jan-dúnıesin túsinýi kerek. «Naǵyz dáriger pasıentti jaqsy kórýi tıis. Aýyryp jatqan adamdy qolynan alyp, sıpap, qoldaý jasaı bilýi kerek. Mine, shyn dáriger sondaı», - dep atap kórsetti N.Nazarbaev.