Qazaqstan halqy Assambleıasynyń XXVİ  sesıasyna qatysýshylar úndeý qabyldady, dep habarlaıdy Qamshy.kz aqparat agenttigi.

«Qazaqstanda qoǵamdy saıası, ekonomıkalyq, rýhanı jańǵyrtýdyń tutas strategıasy iske asyrylyp jatyr. Jyl basynda usynylǵan «Prezıdenttiń bes áleýmettik bastamasy» shyn máninde áleýmettik jańǵyrýdyń aýqymdy baǵdarlamasy bolyp tabylady. Táýelsiz Qazaqstan áý bastan-aq áleýmettik baǵdarlanǵan memleket retinde quryldy. Bes áleýmettik bastama osy baǵyttyń qısyndy jalǵasy bolyp, áleýmettik memleket týraly konstıtýsıalyq normany jańa naqty mazmunmen toltyrdy. Qoljetimdi turǵyn úımen qamtamasyz etý, salyqtardy azaıtý, qosymsha bilim granttaryn bólý, stýdentterge arnalǵan jataqhanalardy jappaı salý, mıkrokredıtteýdi keńeıtý jáne gazdandyrýdy odan ary jalǵastyrý - bul azamattardyń ómiri sapasynyń joǵary standarttaryna qol jetkizýdi maqsat etetin naqty eseptelgen sharalar», - delingen úndeýde.

Sonymen qatar úndeýde osy sharalar toptamasynyń arqasynda ekonomıkalyq jáne qoǵamdyq progreske yqpal etetin jaǵdaılar jasalǵany jáne eń bastysy árkimniń is júzinde áleýmettik qorǵalýy men tulǵanyń ózin-ózi tanytatyndaı  eńbek etip, ómir súrýine kepildik beriletindigi atalyp ótilgen.

«Osy arqyly memlekettiń azamattar aldyndaǵy áleýmettik jaýapkershiligi naqty mánmen tolyǵa túsedi. Munyń bári de áleýmettik birlik pen qazaqstandyq qoǵamnyń kirigýiniń naqty ári pármendi tuǵyry bolyp tabylady. Qazaqstan halqy Assambleıasy Memleket basshysynyń áleýmettik bastamalaryn tutastaı qoldaıdy jáne olardy tıimdi iske asyrý jónindegi amaldardy talqylaýǵa belsene atsalysady. Biz, barsha qazaqstandyqtardy soǵan shaqyramyz. Biz birlesip, jańa ómir múmkindikterin, áleýmettik pen ulttyq ıgiliktiń jańa úlgisin jasaımyz. Biz bes áleýmettik bastamany iske asyrý, beıbitshilik pen kelisimdi odan ary nyǵaıtýǵa, azamattardyń ál-aýqatynyń artýyna, Otanymyz - Qazaqstan Respýblıkasynyń órkendeýine járdemdesetinine senimdimiz», - delingen qujatta.