Qazaqstan Respýblıkasynyń Prezıdenti N.Á.Nazarbaevtyń 2016 jylǵy 11 qańtardaǵy №168 Jarlyǵymen bekitilgen dene shynyqtyrý men sportty damytýdyń 2025 jylǵa deıingi tujyrymdamasyn júzege asyrý jáne negizgi kórsetkish boıynsha buqaralyq sportpen shuǵyldanýshylardyń sanyn Respýblıka kóleminde 2020 jylǵa deıin 30 paıyzǵa jetkizý týraly tapsyrmasyn oryndaý jáne salaýatty ómir saltyn nasıhattaý arqyly qala turǵyndaryn dene shynyqtyrý jáne sportpen shuǵyldanýǵa tartý maqsatynda jumystar júrgizilip jatyr. Qala turǵyndary júıeli túrde dene shynyqtyrý jáne sportpen shúǵyldaný úshin Taraz qalasyndaǵy sport nysandaryna qoljetimdiligin arttyrý maqsatynda 517 sport nysandary jaıly tolyq aqparat jyl basynan buqaralyq aqparat quraldary jáne Taraz qalasy ákiminiń saıty arqyly halyqtyń nazaryna usynylýda.
Qazirgi tańda Taraz qalasynda 7 oblystyq mamandandyrylǵan jasóspirimder sport mektebi, 6 kásibı sport klýby, olımpıada jetkinshekterin daıarlaý ortalyǵy, oblystyq mamandandyrylǵan sporttaǵy daryndy balalar mektep ınternaty, joǵarǵy sport sheberligi mektebi, dene múmkindigi shekteýli adamdarǵa arnalǵan sport klýby jáne "Taraz-Arena" sport saraıy jumys atqarýda.
Taraz qalasynda halyqtyń júıeli túrde dene shynyqtyrý jáne sportpen shúǵyldaný úshin jyl sanap jańa sport nysandary boı kóterýde. Sonymen qatar jergilikti búdjet esebinen de qaladaǵy móltek aýdandarda, shalǵaı alqaptar men parkterde sporttyq alańshalar salynýda.
Atap aıtqanda 2016 jyly jasandy tósenishi bar 2 kishi - fýtbol alańshasy jáne 7 «Street Workout» sport alańshalary salynsa, 2017 jyly 5 kishi-fýtbol alańshasy jáne 4 «Street Workout» sport alańshalary salyndy. Al 2018 jyly 3 ámbebap sport alańshasy jáne 3 «Street Workout» sport alańshalarynyń salynýy josparlanýda.
Sonymen qatar 2018 jyldyń naýryz aıynda Taraz qalasynda «Týǵan jerge týyńdy tik!». Elbasynyń «Bolashaqqa baǵdar: Rýhanı jańǵyrý» maqalasyndaǵy osy baǵyt aıasynda sportpen shuǵyldanýshylardyń sanyn arttyrý maqsatynda «Kazfosfat» JSHS-niń bas dırektory Muqash Zulqarnaıuly Eskendirov "Myńbulaq" (9) móltek aýdanyndaǵy №21, 28 úıleriniń mańynda ámbebap sport alańshasyn salyp, halyqtyń paıdalanýyna syıǵa tarty.
Qala turǵyndary júıeli túrde dene shynyqtyrý jáne sportpen shúǵyldaný úshin sport nysandaryna qoljetimdiligin arttyrý jumystary odan ári júrgiziletin bolady.
Taraz qalasy ákiminiń orynbasary K.Oljabaı
