„ Taraz qalasynda ındýstrıaldyq aımaq qurý úshin eki jer belgilenip otyr. Onyń biri burynǵy «Hımprom-2030» AQ mańynan (qazirgi «TMZ» JSHS) ındýstrıaldyq aımaq qurý úshin 48,8 ga jer telimi, sonymen qatar Taraz qalasyndaǵy Asa-Taraz tas jolynyń boıynda («Jambyl gıps» jáne «Taraz Alina pro» JSHS arasynda) ornalasqan 40,2 ga jer telimi. Atalǵan ındýstrıaldy aımaqtarǵa qajetti ınfraqurylymdardy tartý maqsatynda jumystar júrgizilip qajetti qarajat kólemi anyqtalýda. Indýstrıaldyq aımaqtarǵa kásipkerlerdi tartý boıynsha 2016-2018 jyldary «Jambyl-Taraz» gazetine maqalalar berilgen, Taraz qalasy ákimdiginiń saıtyna habarlandyrý jarıalanǵan jáne de kásipkerlermen ótken kezdesýlerde ındýstrıaldyq aımaq jónindegi aqparat úzdiksiz nasıhattalyp otyrdy. Nátıjesinde búgingi kúni tórt kásipker óz jobalaryn usynyp, qyzyǵýshylyq tanytýda. Aǵymdaǵy jyldyń mamyr aıynyń basynda Jambyl oblysynyń ákimine joǵaryda atalǵan ındýstıaldyq aımaqtar boıynsha usynys engiziletin bolady. Usynys oń nátıjesin bergen jaǵdaıda, ındýstrıaldyq aımaq jónindegi málimet buqaralyq aqparat quraldary arqyly qosymsha jarıalanatyndyǵyn málimdeımiz.

Taraz qalasy ákimdiginiń kásipkerlik jáne ónerkásip bóliminiń basshysy N.Turysbekov