Qazgıdromet 1 mamyrǵa arnalǵan aýa raıy boljamyn jarıalady, dep habarlaıdy Qamshy.kz aqparat agenttigi.

Atmosferalyq aýa aǵyndardyń ótýine baılanysty elimizdiń keı jerlerinde jańbyr jaýady, naızaǵaı kútiledi, jekelegen aýdandarynda burshaq bolýy múmkin.

Qazaqstannyń ońtústik-batysynda jaýyn-shashynsyz aýa raıy kútiledi.

Respýblıkanyń keı jerlerinde tuman túsip, jel kúsheıedi. Batys Qazaqstan, Qaraǵandy, Pavlodar, Aqmola, Qyzylorda oblystarynyń keı jerlerinde jeldiń jyldamdyǵy 15-20 m/s-ge deıin jetip, tuman kútiledi.

 Ońtústik Qazaqstan,  Qostanaı oblystarynyń keı jerlerinde qatty jel soǵyp,  naızaǵaı, tuman bolady. Ońtústik Qazaqstan oblysynda burshaq bolýy múmkin.  Jambyl,  Shyǵys Qazaqstan, Aqtobe, Almaty, Soltústik Qazaqstan oblystarynyń keı jerlerinde jel 15-23 m/s-ge jetip,  naızaǵaı oınaıdy, kúndiz keı jerlerinde burshaq bolýy yqtımal.