2 mamyr, seısenbi kúngi meteorologıalyq jaǵdaılar respýblıkanyń 3 qalasynda lastaýshy zattardyń shoǵyrlanýyna yqpal etedi, dep habarlaıdy «Qazgıdromet».

Aqtaý, Atyraý, Taraz qalalaryndaǵy meteorologıalyq jaǵdaılar atmosferada lastaýshy zattardyń shoǵyrlanýyna yqpal etedi.

Aqtóbe, Almaty, Astana, Qaraǵandy, Qostanaı, Qyzylorda, Kókshetaý, Pavlodar, Petropavl, Oral, Óskemen, Shymkent qalalarynda meteorologıalyq jaǵdaılar atmosferadaǵy lastaýshy zattardyń ydyraýyna yqpal etedi. QMJ - atmosferalyq aýanyń betki qabatynda zıandy (lastaýshy) zattardyń jınalýyna yqpal etetin qysqamerzimdi meteorologıalyq faktorlardyń (tymyq, jeńil jel, tuman, ınversıa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin. Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.