Qazaqstandyq boksshy Danıar Eleýsinovtiń menedjeri Zıa Álıev olımpıada chempıonynyń kelesi jekpe-jeginiń ótetin ýaqytyn atady, dep habarlaıdy Vesti.kz.

Álıevtiń aıtýynsha, kelesi jekpe-jek 6 maýsymda Londonda ótedi.

"Qarsylastardy tańdaý kezinde - biz myqtylardy tańdadyq, biraq Danıardyń olardan asatynyn bildik. Kelesi qarsylas ta osal bolmaıdy dep oılaımyn. Myqtyraq. Tájirıbesi molyraq. Biraq, Danıar odan da asyp túsedi degen oıdamyn. Erteń Florıdada bolamyz, daıyndyq bastalady. Daıyndyqqa úsh aptamyz bar - sońǵy aptasynda Londonda bolamyz. Jersiný qajet. Saǵattyq beldeý de basqa. Barlyǵy jaqsy bolady, dep oılaımyn", - dedi Álıev.

Eske sala keteıik,  29 sáýirde Olımpıada chempıony qazaqstandyq Danıar Eleýsinov kásipqoı bokstaǵy alǵashqy jekpe-jeginde qarsylasy Noa Kıddti nokaýtqa túsirdi. Eleýsinov - Noa kezdesýi alty raýndqa eseptelgen edi, alaıda úshinshi raýnda aıaqtaldy. 27 jastaǵy qazaqstandyq qarsylasyn nokdaýnǵa túsirip, keıin soqqysyn údetken edi. Ekinshi nokdaýnnan keıin referı esep alyp, Eleýsinovke tehnıkalyq nokaýtpen jeńisti berdi.