Fransıada turatyn reseılik Olesá Shemákova qatelesip daıashyǵa 7,7 myń frank (2,5 mıllıon teńge) shaıpul tastap ketken, dep habarlaıdy Qamshy.kz aqparat agenttigi Blick-qa silteme jasap.

Olesá bir shyny kofe men bir tilim torttyń aqshasyn berý kezinde qatelesip 7,7 myń frank tólegen. Bul jaǵdaı byltyr aqpanda oryn alǵan. Jumyssyz áıel bankten qaǵaz kelgende ǵana qatesin baıqaǵan.

«Men óz kózime ózim senbedim. Meniń qatelesip ketkenim aıdan anyq edi ǵoı. Men bul aqshaǵa Fransıada birneshe aı ómir súre alýshy edim ǵoı» dedi Shemákova.

Bank te, polısıa da Olesáǵa kómektese almaǵan. Áıel meıramhana basshysyna barǵan. Bastapqy kezde aqshany qaıtaryp beretinin aıtqan, biraq birneshe ýaqyt ótkennen keıin baılanysqa shyqpaıtyn bolǵan.