3 jasar bala margansovkany iship qoıyp, jazym bola jazdady. Qazir, dárigerler onyń ómirine arasha túsýde. Mamandar temir-tersek jutyp qoıǵan 3 aılyq balanyń ómiri úshin de jantalasty. Mundaı oqıǵalardyń jıilep ketkeni sonshalyq, aýrýhanaǵa kún saıyn 2-3 sábı túsedi eken. Dárigerler hımıalyq zattardan ýlanýdan bólek, sábılerdiń ishinen tıyn, ıne, magnıt, batareıka, polıetılendik paketter de taýyp alǵan. Tipti, ótken jylmen salystyrǵanda, ishekke túsken bógde zattardyń kesirinen pyshaq astyna túsken balǵyndardyń sany artqan. Bul týraly Qamshy.kz aqparat agenttigi Eýrazıa birinshi arnasyna silteme berip habarlaıdy.
Balalardyń ishek-asqazan joldarynan tabylǵan zattardyń sıqy osy. Mynadaı magnıtter, kilt, tipti kóz ben tilden saqtaıtyn túıregish. Dárigerler ıneni balanyń densaýlyǵyna eń qaýiptisi deıdi. Ineni rentgenge salsaq, ol bronhany tesip, ókpege baryp qadalady eken. Al mynaý magnıtter bir-birine jınalyp, ishektiń ótimsizdigine ákep soǵady. Al úshinshi mynaý batareıkalar, ol ishekti kúıdirip qana qoımaı, ony tesip shyǵarady.
Sońǵy tórt aıda elordadaǵy balalar aýrýhanasyna túrli zattardy jutyp qoıǵan
60-qa jýyq bala túsken. Al, 28 sáýir kúni margansovka iship qoıǵan úsh jasar sábı aýyr hálde jetkizilgen. Onyń aýyz qýysy tolyqtaı kúıip qalypty. Qazirgi tańda aq halattylar onyń ómiri úshin arpalysýda. Dárigerler mundaı jazataıym oqıǵalardyń sany kóbeıip barady deıdi. Máselen, tek byltyrdyń ózinde 154 balanyń anasy dárigerler kómegine júginip, olarlyń aǵzalarynan neshe túrli bógde zattar tabylǵan.
«Óte kóp, jyldan jylǵa kóbeıip bara jatyr desek bolady. Eń qorqynyshtysy – balalar hımıalyq zattardy jutýda, suıyqtyqtardy qazan, plıtkalardy tazalaıtyn. Tynys joldaryna keletin bolsaq, mynadaı stomotologıalyq burǵy desek bolady. Balanyń tisin tazalap jatqan kezde tisine qoıyp qoıǵan, bala jutyp qoıǵan» - deıdi №2 qalalyq balalar aýrýhanasynyń hırýrgi Serikjan Nurjanov.
Hırýrg Serikjan Nurjanovtyń bul salada júrgenine 10 jyldan asqan. Aıtýynsha, ol sábılerdiń ishki aǵzalarynan shegeler, polıetelendik paket, 5 santımetr magnıtti de alyp shyǵarǵan. Ata-anansynan salǵyrttyǵynan 3 aılyq shaqalaqtyń ishinen de usaq-túıek zattar tabylyp jatady eken.
Mine tıyn jutyp qoıǵan! Bul endoskopıa jolymen alyndy! Túıregishter bolady ashyq kúıinde! Bala bas kıimmin sheship alyp, ashyq kúıinde jutyp alady!
Al almatylyq dárigerler búldirshinderdiń ishinen shyqqan temir-tersek buıymdardan kádimgideı úlken stend jasap qoıǵan. Baıqasańyz, munda bógde zattardyń qalaı asqazanǵa, ókpege, óńeshge turyp qalatynyn ashyq kórsetilipti. Bári de ata-ananyń nazaryn aýdartý úshin!
"Jemeıtin, ishpeıtin, jutpaıtyn nárseleri joq! Bári bar myna jerde: rýchkanyń qalpaqtary, kiltter, neshe túrli oıynshyqtardyń bólshekteri, zakolkalar, barlyq zattar bar bul jerde".
Mamandar, on jyl buryn ishki qurylysy kúıgen balalardyń 80 paıyzyn ólim aýzynan aman alyp qalý qıynnyń qıyny edi deıdi. Búginde medısınanyń qaryshtap damýyna sáıkes, ondaı jaǵdaıǵa tap bolǵan búldirshinderdiń ómirin saqtaý qalýǵa múmkindik kóp eken. Dese de, ol ata-ananyń bala aldyndaǵy jaýapkershiligin eń tómendetpeýi tıis deıdi mamandar.
«Biz emdeımiz, árıne! Biraq, negizgi qınalatyn balalar. Óńeshti keńeıtetin arnaıy plasıkalary bar. Biraq, ol bári birde balaǵa aýyr. Sol sepbepti ata-analarǵa muqıat bolǵan durys» - deıdi «Balalar shuǵyl medısınalyq járdem ortalyǵy» MKK bólim meńgerýshisi Samatbek Myrzahmet.
Osylaısha, aq halatty abzal jandar hımıalyq zattardy meıilinshe balanyń kózinen tasa jerge qoıýdy ádetke aınaldyrǵan jón deıdi. Al besiktegi balanyń jan-jaǵyn qaýipsiz zattarmen qamtamasyz etken durys. Áıtpese, bir ǵana qatelik sábıińizdiń densaýlyǵy men ómirine qaýip tóndirýi ábden múmkin.
