Búgin QR Din isteri jáne azamattyq qoǵam mınıstri Darhan Káletaev Qazaqstan Respýblıkasyndaǵy Eýropalyq Odaq Ókildiginiń basshysy, Elshi Traıan Laýrensú Hrısteamen kezdesý ótkizdi, dep habarlaıdy Qamshy.kz aqparat agenttigi vedomstvo taratqan aqparatqa súıenip.

Elbasynyń «100 naqty qadam» Ult Jos­pary­nyń 85-qadamy «Máńgilik El» pat­rıottyq aktisiniń jalpyulttyq qun­dy­lyqtaryn nasıhattaý arqyly olar­dy búkil qazaqstandyqtardyń boıyna sińirýge baǵyttalǵan. zaq merzimdi qamtıtyn Ult Josparyndaǵy bes reformanyń biri – Birtektilik pen birlik.

Kezdesý barysynda ekijaqty qatynastardyń ózekti máseleleri qaraldy, atap aıtqanda, azamattyq qoǵamdy damytý, úkimettik emes qıymdardy granttyq qarjylandyrý, halyqtyń osal toptaryn qoldaý jáne dinı ekstremızmge qarsy turý máseleleri boıynsha pikir almasty.

Darhan Káletaev azamattardyń ar-ojdan bostandyǵyna degen quqyǵyn qamtamasyz etý jáne dinı birlestikterdiń jumysyna qolaıly jaǵdaı jasaý, sondaı-aq úkimettik emes uıymdarǵa memlekettik qoldaý kórsetý jóninde qabyldanǵan sharalar týraly habardar etti.

Mınıstr dinı saladaǵy zańnamaǵa engiziletin túzetýlerge toqtalyp, atalǵan zań jobasy aıasynda qabyldanatyn barlyq sharalar bizdiń elimizde, jalpy óńirde turaqtylyq pen qaýipsizdiktiń berik irgetasyn qalyptastyrýǵa baǵyttalǵanyn atap ótti.

Qazaqstandaǵy Eýropalyq Odaq Ókildiginiń basshysy óńirlik yntymaqtastyq, Qazaqstandaǵy adam quqyqtary salasyndaǵy jaǵdaı týraly jáne mınıstrlikpen yntymaqtastyqty damytýǵa múddeli ekenin málimdedi.

Sondaı-aq, taraptar aǵymdaǵy jyldyń 10-11 mamyrynda ótetin «Qazaqstan Respýblıkasy – Eýropalyq Odaq» Parlamenttik yntymaqtastyq komıtetiniń 15-shi otyrysyna Eýropalyq Parlament delegasıasynyń qatysýyn talqylady.

Kezdesýdiń qorytyndysy boıynsha Qazaqstan men Eýropalyq Odaq arasyndaǵy syndarly yntymaqtastyq qatynastardy damytý mańyzdylyǵy ataldy.