Túrkıa Respýblıkasynyń Kastamoný qalasynda "Áziret Sultan" memlekettik tarıhı-mádenı qoryq-mýzeıiniń «Iasaýı muralary jáne Túrkistan» kórmesi ashyldy.
Túrki jurty bas qosqan tarıhı sharaǵa Kastamoný qalasynyń ákimi Tahsın Babash pen TÚRKSOI Halyqaralyq Uıymy bas hatshysynyń orynbasary Fyrat Pýrtash jáne "Áziret Sultan" memlekettik tarıhı-mádenı qoryq-mýzeıiniń dırektory Ahmetjanov Nurbolat Qadyruly qatysyp, kórmeniń saltanatty túrde lentasyn qıdy.
"Kastamoný-Túrki áleminiń mádenı astanasy" jyly jáne «Áziret Sultan» memlekettik tarıhı-mádenı qoryq-mýzeıine 40 jyl tolýyna oraı uıymdastyrylǵan kórmege Qoja Ahmet Iasaýıdiń jáne Qul Azımniń hıkmetteri, shamamen 1845 jyldary jazylǵan, 326 betten turatyn Qoja Ahmet Iasaýıdiń «Dıý-anı Hıkmet» kitabynyń túpnusqasy, S.Baqyrǵanıdyń «Dıýan» jazbasy, Iasaýı hıkmetterine uqsas parsy tilinde jazylǵan Áýlıe Bıdeldiń «Dıýanı Bıdel» hıkmetteri, shamamen HÚİİİ ǵ. aıaǵynda túrki tilinde jazylǵan «Dıýanı Hıkmetten» keıingi Iasaýıge qatysty qundy kitap -
Býstan ýl-Mýhıbbın qoljazbasy men kóptegen qundy jádigerler jetkizilgen.
Sondaı-aq, Qoja Ahmet Iasaýı jáne Túrkistan jaıyndaǵy sýrettermen qatar Ońtústik Qazaqstan oblysynyń tarıhı, kıeli oryndaryn beıneleıtin 100-den asa týyndylar da túrkitildes elder nazaryna usynylýda.
"Túrkistannan jetken týyndylar barsha túrki jurty úshin eń mańyzdy jaǵdaı. Qoja Ahmet Iasaýıdiń ómiri men tarıhynan syr shertetin jádigerlermen birge qasıetti babanyń da rýhy jetkendeı erekshe áserdemiz. Barsha Túrkıa elin, Kastamoný qalasynyń halqy men búgingi jıynǵa qatysýshy qonaqtardy tarıhı kórmeniń ashylýymen shyn júrekten quttyqtaımyn"-dedi, Kastamoný qalasynyń ákimi Tahsın Babash.
"Kıeli Túrkistannan jetken tarıhı jádigerlerdi qurmet tutyp, bas ıe kelgen halyqtyń da qarasy óte mol. Aıtýly jyldarǵa oraı uıymdastyrylǵan kórme aıasynda "Áziret Sultan" memlekettik tarıhı-mádenı qoryq-mýzeıi ǵana emes, Ońtústiktiń tarıhı oryndary da keńinen nasıhattalýda"-deıdi, qoryq-mýzeıdiń basshysy N.Ahmetjanov.
«Iasaýı muralary jáne Túrkistan» kórmesi TÚRKSOI Halyqaralyq Uıymynyń uıymdastyrýymen aǵymdaǵy jyldyń 15 mamyryna deıin Túrkıa Respýblıkasynyń Kastamoný, Ankara, Býrsa qalalarynda ótetin bolady.
