Sırek kezdesetin syrqatymen el nazaryna túsken atyraýlyq Nurjan Órkeshbaev óz jańalyǵyn jarıa etti, dep habarlaıdy Qamshy.kz aqparat agenttigi Nur.kz saıtyna silteme jasaı otyryp. Erte qartaıǵan qazaq balasy ekinshi ret otbasy qurǵaly jatyr.

«Nekemdi qıǵaly jatyrmyn. Ázirge meniń jańalyǵym osy. Ol adammen Qulsaryǵa qonaqqa barǵanymda tanysqan edim. Alla qalasa bolashaq jarym bolady degen nıette otyrmyn. Ulan asyr úlken toı bolmaıdy. Aǵaıyn týysty shaqyryp betashar jasap, nekemizdi qıamyz», — deıdi Nurjan Órkeshbaev.
Nurjannyń bolashaq jary — «Adaı» rýynan shyqqan 24 jastaǵy boıjetken Aqtaý qalasynan eken. «Ázirge birge sýretke túsken joqpyz. Bolashaq jarym fotosyn jarıa etýge qysylyp tur. Biraq mindetti túrde bul qýanyshty sizdermen bólisetin bolamyn», — deıdi Nurjan.
Buǵan deıin shańyraq kóterip, jarymen ajyrasyp ketken azamat kelesi neke qıý rásimin mamyr aıyna josparlap otyr.

Esterińizge sala ketsek, buǵan deıin atyraýlyq Nurjan Órkeshbaev elden súıinshi suraıtyndaı jańalyǵy bar ekenin aıtqan bolatyn.