Otan qorǵaýshy kúnine oraı QR QK Joǵarǵy Bas Qolbasshysy Nursultan Nazarbaev Jambyl oblysyndaǵy «Otar» áskerı bazasynyń aýmaǵynda jaýyngerlik paradqa qatysty. Barlyq oblystyń ákimderi paradqa keldi, dep jazady Qamshy.kz aqparat agenttigi. 

Nursultan Nazarbaev paradtyń shymyldyǵyn ashty. Elbasy qazaqstandyqtardy Otan qorǵaýshy kúnimen quttyqtady.

«Qymbatty qazaqstandyqtar, sardarlar men sarbazdar! Qadirli ardagerler! Barshańyzdy Otan qorǵaýshy kúni merekesimen shyn júrekten quttyqtaımyn. Bahadúr babalar Uly Dalamyzdy aq bilektiń kúshimen, aq naızanyń ushymen qorǵap, bizge amanat etip qaldyrdy. «Urandy eldiń urpaǵy aıbarly keledi» degen dana halqymyz. Búgingi aıbyndy armıamyz úshin eldiń tynyshtyǵyn saqtap, Táýelsizdiktiń qorǵany bolý mártebeli zor mindet. Jaýjúrek jaýyngerlerdiń kóteretin júgi aýyr. Biraq ol abyroıly borysh, qasterli paryz. Qarýly Kúshterimiz – halqymyzdyń senimdi tiregi, memlekettiń berik qalqany», - dedi Nursultan nazarbaev.

Jaýyngerlik paradqa 300-den astam áskerı tehnıka, 40-qa jýyq avıasıa tehnıkasy tartyldy. Armıalyq bólimsheler áskerı tehnıkanyń zamanaýı úlgilerin is júzinde qoldaný tásilderin kórsetti.

Paradta sóz alǵan Elbasy Qazaqstan barlyǵyna daıyn bolý kerektigin atap ótti.

«Qazaqstan tóngen qaýiptiń betin qaıtarý úshin daıyn bolý kerek. Memleket armıamyzdyń nyǵaıýy áleýetine barynsha qoldaý jasaýda men erekshe nazar aýdarýda. Júıeli túrde sońǵy býyndy qarý men áskerı tehnıka úlgilerin satyp alý júrgizilýde. Sondaı-aq birqatar mańyzdy jaýyngerlik tehnıka men quraldar túrin óndirý tabysty ıgerildi. Áskerı basqarý júıesi jańǵyrtylýda. Bizdiń maqsat - qazirgi zamanǵy, mobıldi, joǵary kásibı bilikti armıany qurý», - dedi Nursultan Nazarbaev.

Aıta keteıik, buǵan deıin jaýyngerlik parad 2013 jyly ótken.