Qazaqstan azamatshasy Tatána Berejnaıa eki qyzymen birge Iordanıada sheteldik kúıeýiniń tutqynynda bolǵan. Áıel Iordanıadan tek úsh aıdan keıin ǵana qashyp kelgen. Bul týraly KTK-ǵa silteme jasa Qamshy.kz aqparat agenttigi habarlaıdy.

Áıel Taıaý Shyǵysqa kúıeýiniń týystaryna qonaqqa barmaqshy bolǵan. Alaıda qushaq jaıyp qarsy alady degen týystary áıeldiń qujattaryn tartyp alyp, balalarynyń azamattyǵyn ózgertken.

Tatánanyń aıtýynsha, bastapqyda bári durys bolǵan. Kúıeýi Iordanıada bolmaǵan kórinedi.

Azamattyq nekedegi kúıeýi bıznesindegi problemalardy sheshken soń Iordanıaǵa oralatyndaryn aıtyp, sol jaqtan elge qaıtatynyn aıtyp sendirgen. Jubaıynyń týystary áıeldiń qujattaryn alyp, vızanyń ýaqytyn sozatyndaryn aıtyp, keıin qujattardy bermeı qoıǵan eken. Tatánanyń úlken qyzyn tipti jergilikti mektepke oqýǵa bergen. Qyz úsh aı boıy tilin bilmeıtin ıordanıalyq mektepte oqyǵan.

«Bizdi sonda ustap otyrmaqshy boldy»,- deıdi áıel.

Alaıda, keıin áıeldiń kúıeýi kelip, úndemesten bıletterin berip áıeli men balalaryn Almatyǵa ákelip tastaǵan.

«Eń bastysy biz aman esen elge oraldyq, endi úıdemiz, eshqaıda barmaımyz»,-deıdi áıel.

Málimetterge súıensek, bul iske qatysty tergeý júrgizilmeıdi. Iordanıadan elge oralǵan Tatána kúıeýimen aıyrylyssa da, ony keshirgen. Al jubaıynyń ne sebepti mundaı áreketke barǵany olar úshin jubaq kúıinde qaldy. Alaıda endi balalarynyń azamattyǵyna qatysty eki  jaqta daý týyndaıtyny anyq.