Boxingscene.com komentatory jáne jýrnalıs Korı Erdman ótken demalys kúni sportshylar jaqsy nátıje kórsetkendikten, Gennadıı Golovkındi UBQ-nyń eń tanymal oıynshysy Lebron Djeımspen salystyrdy.

«Golovkın men Lebron demalys kúni uqsastyqtaryn kórsetti. «Toronto» UBQ pleı-off machynda jeńiske taıap qalyp edi, keıin Lebron qosyldy. Onyń qıyn sátterde sýyrylyp shyǵatyn qabileti bar. Bul joly da ol sheshýshi kezeńde komandany alyp shyqty. Lebronnyń Jordan brendi boıynsha jaqtasy Golovkınge Martırosánmen aıqasty aıaqtaý úshin 48 mınýt qajet bolǵan joq. Vanes «Toronto» sıaqty laıyqty qarsylas, alaıda elıtaǵa shamaly jetińkiremeıdi.

Martırosán Golovkınmen jekpe-jektiń birinshi raýndynda birneshe jaqsy ári naqty soqqylar berdi. Ekinshi raýndqa shyǵardyń aldynda Golovkınniń kózqarasy Lebrondikindeı edi, qarsylasynyń júregine qanjar tyǵyp alatyn ashýly adam sıaqty qarady. Sodan keıin Golovkın rıngke shyǵyp, birneshe myqty panchtarmen barlyǵyn aıaqtady. Bul eshkim kúmándana almaıtyn aıqyn sát bolatyn. Lebron sıaqty Golovkın úshin de álemdegi úzdik sportshy mártebesine tek qana ýaqyt qaýip tóndire alady», – dep jazdy Erdman. Eske salaıyq, 5 mamyrda Karsondaǵy StubHub Center arenasynda (AQSH, Kalıfornıa shtaty) Golovkın amerıkalyq Vanes Martırosándi merziminen buryn jeńdi.