Almatyda kólik urlyǵymen aınalysyp, uıymdasa qylmys jasap júrgender quryqtaldy. Bul týraly qalalyq İİD baspasóz qyzmeti habarlaıdy.
34 jastaǵy Ózbekstan Respýblıkasynyń azamaty men 32 jastaǵy Almaty turǵyny birlesip, Almatydaǵy «VAZ», «Lada» markaly kólikterdi urlaýmen aınalysyp kelgen. Búginde polısıaǵa kóliginen aırylǵan 8 adam aryz túsirgen.
Tergeýshiler atalǵan qylmystarǵa ózbekstandyq azamat pen Almaty turǵynynyń qatysy baryn anyqtady. 4 mashına Shymkent qalasynan, OQO-dan, 1 kólik Almaty oblysynan tabyldy. Jáne bir kólik Astanaǵa jetkizilgeni anyqtaldy. Qazir 6 mashına da zattyq aıǵaq retinde tárkilendi. Tergeýshiler kúdiktilerdiń basqa da qylmystarǵa qatystylyǵyn tekserip jatyr.
