Ońtústik Qazaqstan oblysynyń ákimi J.Túımebaev Halyqaralyq Túrki akademıasynyń prezıdenti D.Qydyráli bastaǵan ǵalymdar tobymen kezdesti. Akademıa prezıdentiniń keńesshisi E.Isaqulov, profesor Q.Qonqabaevpen, ǵalym A.Toıshanulymen bolǵan basqosýda Elbasynyń «Bolashaqqa baǵdar: Rýhanı jańǵyrý» maqalasynda aıtylǵan mindetterdi iske asyrý jaıy talqylandy.

Jıyn barsynda óńir basshysy ǵalymdardy oblys aýmaǵyndaǵy mańyzdy tarıhı nysandar týraly maǵlumat jınastyryp, arnaıy serıamen kitap shyǵarýǵa atsalysýǵa shaqyrdy.

«Ózderińiz bilesizder, ońtústik óńiri tarıhqa baı ólke. Áli de zertteýdi qajet etetin dúnıeler, zerttelgeninen kóp. Sondyqtan osyǵan mán berýimiz kerek. Oblystaǵy barsha tarıhı jáne mádenı jerlerdiń tizimin jasap, olar týraly málimetterdi jınaqtap, kitaptar serıasyn shyǵarýdy jandandyrý kerek dep oılaımyn. Mine, osy isti qarqynmen atqarýǵa shaqyramyn», – dedi Janseıit Túımebaev.

Túrikolog ǵalymdarmen keńesý barysynda óńirimizde ǵalymdardyń basyn qosyp, tizimge enbeı, eskerýsiz qalǵan tarıhı oryndarǵa arheologıalyq qazba jumystaryn júrgizý jaıy sóz boldy.

Óz kezeginde D.Qydyráli Tólebı aýdanyndaǵy Esimhannyń ordasy bolǵan tarıhı mańyzy bar jerdi memlekettik deńgeıde qorǵaýǵa alyp, arheologıalyq zertteý jumystaryn júrgizýdi usyndy. Muny qoldaǵan aımaq basshysy, ǵalymdar tobyn tartyp atalǵan nysanǵa zertteý jumystaryn júrgizýge bastamashy bolatynyn aıtty.

Sondaı-aq, ataqty túrkologtardyń basyn qosatyn keleli keńestiń birin Ońtústikte uıymdastyrý máselesi de qozǵaldy.

Jıyn sońynda qonaqtarǵa syı-sıapat jasalyp, estelikke sýretke tústi.