Oral qalasynyń Qurylysshy shaǵyn aýdanynda saǵat 20:00 shamasynda atys bolyp, bir adam qaza tapty. Bul jaıynda Qamshy.kz aqparat agenttigi «Moı gorod» saıtyna silteme jasap habarlaıdy.

Belgili bolǵandaı, oqıǵa Qurylysshy aýdanyndaǵy kópqabatty úılerdiń birinde bolǵan.

Jergilikti turǵyndardyń biriniń aıtýynsha, qandy oqıǵa №4 podezdiń 8 qabatynda bolǵan.

«Páterde kúıeýbalasy óziniń qaıynatasy men enesine oq atqan. Qaıynatasyn aýrýhanaǵa alyp ketti, al enesi kóz jumdy. Men «kómektesińder» dep aıqalaǵan daýysty estdim, dál sol ýaqytta dúkenge bara jatqan edim. Sol jerde otyrǵan ájelerge áıelge kómektesý úshin jastardy shaqyrýyn ótindim», - deıdi kópqabatty úıdiń turǵyny Marıa Amelákına.

BQO Densaýlyq saqtaý basqarmasynyń baspasóz qyzmetiniń habarlaýynsha, dárigerler 60 jastaǵy áıel jedel járdem qyzmeti kelgenshe oq tıip kóz jumǵanyn aıtty.

«66 jastaǵy er adamǵa oq jaraqatymen qalalyq aýrýhanaǵa jetkizildi», - deıdi Densaýlyq saqtaý basqarmasynyń ókilderi.

Aıta keteıik, atalmysh oqıǵaǵa baılanysty prokýratýradan da, polısıa bólimshesinen de qandaı da bir aqparat alý múmkin bolmady.

BQO Prokýrorynyń orynbasary Aleksandr Sýrankov oqıǵa ornynda bolyp, alaıda qandy qylmys jaıynda pikir berýden bas tartty.

BQO Densaýlyq saqtaý basqarmasynyń málimetinshe, oq tıip jaraqattanǵan qaıynatasyna alty saǵat ota jasalǵan.

«1951 jyly týylǵan er adamnyń ishine oq tıip, ishki aǵzalaryna zaqym kelgen», - delingen habarlamada.