Oralda kóz jumǵan áıeldiń qyzy barlyq mán-jaıdy aıtyp berdi. Bul jaıynda Qamshy.kz aqparat agenttigi «Moı gorod» saıtyna silteme jasap habarlaıdy.

Belgili bolǵandaı, qyzdyń ata-anasyna onyń burynǵy kúıeýi oq atqan eken.

Nadıa Davletshınanyń aıtýynsha, kúıeýi Rýstam Davletshınmen birge segiz jyldan beri birge turmaıdy eken.

«Biz birge turmaǵanmen, aramyzda esh arazdyq bolmaı, bir-birimizben jaqsy aıyrylysqan bolatynbyz. Úılengennen soń bir jyldan keıin men Oralǵa kelip ata-anammen birge turdym , Rýstam Aqsaıda óziniń anasymen qalǵan. Bizdiń Ildar esimdi jeti jastaǵy bir ulymyz bar. Ákesi men balasynyń aralasyp, sóılesip turýyna eshqashan da kedergi bolmaǵanmyn, ol balasyn ár demalysta alyp ketetin. Al sońǵy demalysta ol balamdy urlap ketti, ony tek úsh aptadan keıin qaıtaryp ala aldyq. Óziniń áreketin «mektepte balaǵa báribir eshnárse de úıretpeıdi» degen syltaýmen túsindirdi», - deıdi Nadıa.

Ol ótken túnde barlyǵy ádettegi kúnder sekildi ótip jatqanyn aıtty.

«Biz barlyǵymyz úıde jınaldyq. Keshke qaraı esikti bireý qaǵyp, anam Esik ashýǵa ketken. Ol bir aýyz sóz aıtyp úlgermesten atylǵan oqtyń daýysy estildi. Barlyǵymyz esikke qaraı júgirdik, al anam jerde qanǵa malynyp jatty. Meniń burynǵy kúıeýim qarýdy ákeme taqap, ekinshi ret atty. Men balamdy alyp ájethanaǵa tyǵylyp qaldym. Óte qorqynyshty boldy, eshkimniń daýysy estilmedi, biraz ýaqyttan keıin syrtqa shyǵyp qarasam, ákem jerde aýyr jaraqattanyp jatyr eken, onyń ishki aǵzalary syrtqa aqtarylyp ketken. Soǵan qaramastan ákem esikti jaýyp úlgeripti», - dep kózine jas ala aıtady Nadıa.

«Men qoryqqanymnan ne isterimdi bilmedim, eń aldymen jedel járdem men polısıaǵa habarlastym. Balam qoryqqanyna dirildep áreń turdy. Kórshiler meniń burynǵy kúıeýim oq atqannan keıin qarýdy jerge qoıyp, bireýmen sóılesip, sosyn ketip qalǵanyn aıtty. Ol balany alyp ketýge keldi dep oıladym, sebebi ol tastap ketken sómkeniń ishinde balanyń kıimderi men pyshaq jatty. Ne sebepti mundaı qadamǵa barǵanyn túsinbedim, keshe ǵana bizdi sottyń sheshimimen resmı túrde ajyrastyrǵan edi jáne ol ózimizdiń aramyzda ǵana boldy, al kúıeýim sot otyrysyna kelmedi», - deıdi Nadıa.

Onyń aıtýynsha, qylmyskerdi polısıa qyzmetkerleri birneshe ýaqyttan keıin ustap alǵan.

«Ony barynsha qatań jazalanýyn suraımyn, eshqashan da bostandyqqa shyqpasa eken», - deıdi qyz.

Aıta ketsek, Rýstam Davletshın esh jerde jumys istemegen jáne múgedekter tiziminde bolǵan.

Esterińizge sala keteıik, 10 mamyr kúni saǵat 20:00 shamasynda Oral qalasy Qurylysshylar shaǵyn aýdanyndaǵy kópqabatty úılerdiń birinde atys bolǵan edi. Qylmysker óziniń burynǵy áıeliniń ata-anasyna oq atyp, áıel adam oqıǵa ornynda kóz jumǵan, al 56 jastaǵy er adam jergilikti aýrýhanaǵa aýyr jaraqatpen jetkizilgen bolatyn. Oǵan 6 saǵattyq ota jasaldy.