«Halyq kemeline kelip, órkendeýi úshin, eń aldymen, azamattyq pen bilim kerek» dep uly Sh.Ýálıhanov óte oryndy aıtqan. Endeshe jan-jaqty el tarıhyn jetik biletin, zaman talabyna saı jastardy tárbıeleý – búgingi kún talaby ekendigin jadymyzdan shyǵarmaǵanymyz abzal.

 

Elbasymyz N.Á.Nazarbaevtyń «Bizdiń jastarymyz ǵylym men bilimge umtylyp, eldiń bolashaǵyn oılaıtyn bolsa, keleshegimiz kemel, táýelsizdigimiz baıandy bolady» degen sózderi bolashaq Qazaqstannyń tizginin ustaıtyn jastardyń zamana kóshinen qalmaı bilikti de bilimdi maman bolýdyń aıqyn beınesi. Jalpy toqtala ketetin bolsaq, «Aıbyn» atty ǵylymı pikirsaıys klýby Qurlyq áskerleriniń Áskerı ınstıtýtynda 2016 jyldyń 16 mamyrynda resmı túrde ashylǵan bolatyn. Onyń negizgi maqsaty – kýrsanttardy sheshendik ónerge baýlý men úıretý, bilimderi men ǵylymı tanymdaryn arttyrýǵa baǵyttalǵan áskerı jastardyń shyǵarmashylyq áleýetin neǵurlym tolyq júzege asyrý men damytý bolyp tabylady.

 

Mine, óziniń ashylǵannan bergi qysqa tarıhynda ınstıtýttyń klýb músheleri qalalyq, aımaqtyq túrli pikirsaıys alańdarynda ózderiniń belsendilikterimen kózge túse bildi. Búgingi tańda atalǵan klýbtyń bas tóraǵasy 3 kýrs kýrsanty O.Sheshhannyń basshylyq etýimen klýbta jıyrmadan astam kýrsanttar S.Berdaly, M.Karıbekov, O.Qýandyqov, B.Jumaǵazy, Q.Kákim, J.Karıpqan, B.Balabek, Q.Aýbatyrov, Ǵ.Eleýbaev, A.Mahambetalıev, E.Aman, N.Oktábr, A.Ulbek, M.Tursynbek, D.Kenjebaev, D.Myqtybaı, E.Taýbaı, D.Orynbaı, D.Mahmýt, H.Aıtýǵan, B.Amanjol, S.Balabekter klýbtyń jumysyn jandandyryp keledi. Sonyń bir aıǵaǵy mamyr aıynyń 5 men 6-shy juldyzy kúnderi Qurlyq áskerleri Áskerı ınstıtýtynyń «Aıbyn» ǵylymı pikirsaıys klýby 7 mamyr – Qazaqstan Respýblıkasynyń Otan qorǵaýshylar kúnine oraı uıymdastyrylǵan «Myqty ásker – Máńgilik el tiregi!» taqyrybynda respýblıkalyq pikirsaıys týrnırin ótkizdi.

 

Týrnırdiń ótkizilý maqsaty – bolashaq jastardyń patrıottyq sezimderin arttyrý arqyly, shyǵarmashylyq belsendilikteri men oı-pikirlerin damytý jáne olardy qoǵamnyń ózekti máseleleri boıynsha pikir almasýǵa shaqyrý bolyp tabyldy. Ótkizilip otyrǵan týrnır ınstıtýt tarıhy men «Aıbyn» klýby úshin alǵashqy qadam jáne ózindik mańyzǵa ıe boldy. Atalǵan is-sharaǵa Almaty qalasynan Radıoelektronıka jáne baılanys áskerı-ınjenerlik ınstıtýtynyń, Qazaqstan Respýblıkasy Ulttyq Qaýipsizdik komıteti Shekara qyzmetiniń akademıasynyń, ál-Farabı atyndaǵy Qazaq Ulttyq, Abaı atyndaǵy Qazaq Ulttyq pedagogıkalyq, S.D.Asfendıarov atyndaǵy Qazaq Ulttyq medısınalyq, Q.Sátpaev atyndaǵy Ulttyq tehnıkalyq-zertteý, Qazaq Ulttyq Agrarlyq, Narhoz, Qazaq Memlekettik Qyzdar pedagogıkalyq, Almaty energetıka jáne baılanys, Almaty tehnologıalyq, Halyqaralyq bıznes, Sýleıman Demırel atyndaǵy, Turan ýnıversıtetteriniń jáne Shymkent, Qyzylorda, Astana jáne Aqtóbe qalalarynyń beldi pikirsaıys klýbtarynyń kýrsanttary men stýdentteri qatysty.

 

Eki kúnge sozylǵan atalmysh is-sharanyń nátıjesinde Amerıkalyq Parlamenttik format boıynsha «Narhoz» ýnıversıtetiniń «Tańdaýly ekonomıser odaǵy» atty pikirsaıys klýbynyń músheleri Á.Jumabaı men J.Saqtaǵan birinshi oryndy ıemdene otyryp, ınstıtýt bastyǵynyń kýbogyn jeńip aldy. Ekinshi oryndy Radıoelektronıka jáne baılanys áskerı-ınjenerlik ınstıtýtynyń «Patrıot» klýby músheleri D.Áýenek pen E.Temiráli jáne úshinshi oryndy «Narhoz» jáne «Turan» ýnıversıtetteriniń stýdentteri Á.Toılybaı men D.Aqqoja jeńisti óz qanjyǵalaryna baılady. Lınkoln-Dýglas formaty boıynsha «Eń úzdik spıker» ataǵyn «Narhoz» ýnıversıtetiniń «Tańdaýly ekonomıser odaǵy» atty pikirsaıys klýbynyń múshesi A.Sársenbaı jeńiske jetip, ınstıtýt bastyǵynyń kýbogyn jeńip alsa, «Úzdik spıker» ataǵyn osy klýbtyń múshesi Á.Toılybaı jeńip aldy. Sonymen qatar oıyn erejesi boıynsha «Úzdik tóreshi» ataǵyna Abaı atyndaǵy Qazaq Ulttyq pedagogıkalyq ýnıversıtetiniń «Atameken» pikirsaıys klýbynyń múshesi S.Ydyrys ıe boldy. Shara sońynda konserttik baǵdarlamaǵa ulasty.