Qazaqstan Prezıdenti kómirsýtegi shıkizatyn óndirý jáne tasymaldaý salasynda paıdalanylatyn qurylǵylar men jabdyqtar jasaý úderisimen tanysty.

"Zamanaýı tehnologıalar jyldam ósip kele jatqan megapolıstiń problemalaryn tıimdi sheshýge jol ashady", - degen edi Elbasy joldaýynda.

Nursultan Nazarbaevqa kásiporynnyń tehnologıalyq qýaty, sondaı-aq qorǵanys salasynyń ónimderi – atys qarýy jáne oq-dári úlgileri kórsetildi.

Batys Qazaqstan mashına jasaý kompanıasy - óńirdegi jetekshi óndiris oryndarynyń biri.

Elbasy, sondaı-aq, óńir jurtshylyǵymen kezdesti. Onda turǵyndar Memleket basshysyna «Bes áleýmettik bastamanyń» qabyldanǵany úshin alǵys bildirdi.

Qazaqstan Prezıdenti elimizde júzege asyrylyp jatqan áleýmettik baǵdarlamalar qoǵamnyń, ásirese jastardyń, meılinshe ózekti problemalaryn sheshýge baǵyttalǵanyn atap ótti.

Nursultan Nazarbaev Qazaqstan qoǵamynda beıbitshilik pen kelisimdi saqtaýdyń mańyzdylyǵyna toqtalyp, elimizdiń qarqyndy ekonomıkalyq damýy úshin óńirlik jáne halyqaralyq yntymaqtastyqty nyǵaıtýdyń máni zor ekenin aıtty.

Áńgimelesý sońynda Elbasy oblys turǵyndaryna tabys pen baq-bereke tilep, Qazaqstandy órkendetý isine belsendi atsalysýǵa shaqyrdy.