Shyǵys Qazaqstan oblysy Qatonqaraǵaı aýylynyń turǵyny 78 jastaǵy Aleksandr Fomıchev 31 naýryzda úıinen shyǵyp ketip, sol kúıi oralmaǵan.
Jergilikti altaynews.kz saıtynyń dereginshe, qart adamnyń óli denesi ormannan tabylǵan.
Aleksandr Fomıchev 31 naýryzda 26 shaqyrym jerde ornalasqan omartasyn kórip kelemin dep úıinen shyǵyp ketken. Biraq 1 sáýir kúni onyń sol boıy omartaǵa jetpegeni anyqtalady.
Besinshi sáýirden bastalǵan izdeý jumystaryna zeınetkerdiń týystarymen qatar jergilikti polısıa men TJ boıynsha departamenttiń ókilderi de qatysty. Biraq ol uzaq ýaqyt esh nátıje bermedi.
Tek 12 mamyrda ǵana Fomıchevtiń denesin orman jıeginen polısıa kapıtany Dáýren Apıjanov taýyp alady. Saraptama qorytyndysy kórsetkendeı, qart adam dalada úsip qalǵan eken. Ol jolǵa shyqqan kúni aýa-raıy aıazdatyp turǵan desedi.
