Kýba bıligi Boeing-737 ushaǵynyń qulaýyna baılanysty ulttyq aza tutý kúnin jarıalady. Bul týraly sheteldik BAQ habarlady.

«Juma kúngi ushaq apatyna baılanysty Kýba Memlekettik keńesi 19 mamyr 06:00-den 21 mamyr 00:00-ge deıin resmı aza tutý kúnin jarıalaıdy», - delingen Kýba bıligi taratqan habarlamada. Aza tutý kúnine baılanysty eldegi memlekettik týlar tómen túsiriledi.

Aıta keteıik, 18 mamyrda Gavana áýejaıynan eldiń shyǵysyndaǵy Olgın qalasyna ushyp shyqqan Kýba memlekettik áýe kompanıasynyń Boeing 737 ushaǵy áýege kóterile salysymen kóp uzamaı jerge qulaǵan. Keı derekterge súıensek, jolaýshylar ushaǵynda bolǵan júzden astam adamnyń úsheýi tiri qalǵan.

AFP agenttigi jolaýshylar ushaǵynda 104 jolaýshy bolǵan dep habarlady. Kelesi bir basylymda ushaqta 107 jolaýshy boldy degen aqparat tarady. Alaıda naqty sany ázirge belgisiz. Ushaq 1979 jyly qurylǵan.