Astana ekonomıkalyq forýmynda qol qoıylǵan jol kartalary men memorandýmdardy iske asyrý sheńberinde ıtalándyq «Cremonini Group» kompanıasy qazirgi zamanǵy «KAZAKH-BEEF» zaýytynyń qurylysyn bastady.
Et kombınatynyń kúndelikti qýattylyǵy 700 bas maldy soıýǵa arnalyp, etti óńdeý, daıyn et ónimderin óndirý jáne múıiz, tuıaq, terisin qaıta óńdeýdiń tolyq tehnologıalyq sıklyn júzege asyratyn bolady. Jobanyń jalpy quny 15 mlrd teńgege jýyq.
Atalǵan jobany iske asyrý maqsatynda Almaty oblysy ákimdigimen jalpy kólemi 60 gektardy quraıtyn jer telimin berildi.
Osy óńirde zaýyt qurylysynyń salynýy qolaıly klımattyq jaǵdaılardyń negizinde, sondaı-aq iri qara mal etiniń ónimdilik baǵytyna baılanysty tańdap alyndy (barlyq etti baǵyttaǵy İQM basynyń 16% quraıdy).
Bordaqylaý alańynyń maldy soıǵanǵa deıingi kólemi bir ýaqytta 10 myń bas mal bolsa, et kombınatynyń qýaty: jylyna 25 myń tonna sıyr eti. Atalǵan kásiporyn ónimderiniń 70% QHR men Reseı sıaqty iri elderdiń naryǵyna shyǵarylady.
Qazirgi ýaqytta oblystyń sharýa qojalyqtary men bordaqylaý alańdary et kombınattaryn qajetti ónimmen qamtamasyz etýge daıyn.
Qolaıly ınvestısıalyq klımatty qurý elimizdiń agrarlyq sektorynyń ınvestısıalyq tartymdylyǵyn arttyrýǵa yqpal etti. 2017 jyly mal sharýashylyǵy salasyna salynǵan ınvestısıalardyń kólemi 154,1 mlrd. teńgeni qurady, bul 2016 jylǵa qaraǵanda 6,9% artyq.
Qazirgi ýaqytta «100 naqty qadam» Ult josparyn oryndaý jáne mal sharýashylyǵy ónimderin qaıta óńdeý boıynsha «Lactalis», Cedar Meats Australia, «Golden Camel Group», «CITIC» sıaqty álemdik iri kompanıalar tartylýda.
Anyqtama: «Cremonini Group» Eýropadaǵy eń mańyzdy azyq-túlik óndirisimen aınalysatyn toptardyń biri bolyp tabylady jáne úsh bıznes baǵytta jumys jasaıdy: óndiris, taratý jáne tamaqtandyrýmen aınalysady. Atalǵan kompanıa iri qara mal eti men et ónimderin («Inalka DjıBıEs» jáne «Montana»), sondaı-aq azyq-túlik ónimderin qoǵamdyq tamaqtandyrý kompanıalaryna («MARP») taratýdy uıymdastyrý boıynsha kóshbasshy bolyp tabylady. Top poezdarda, vokzaldarda, aeroporttar men avtomobıl joldarynda ornalasqan qoǵamdyq tamaqtaný jelisinde konsesıaǵa ıe. Kompanıa «Steakhouse» (Roadhouse Grill) jelisi bar qoǵamdyq tamaqtandyrý obektileriniń qataryna kiredi.
Óndiris salasynda halyqaralyq qyzmet kórsetý Eýropa, Reseı jáne afrıkalyq elderde (Angola, Kongo demorkratıalyq Respýblıkasy, Kongo Respýblıkasy, Aljır, nıgerıa) júzege asyrylady. Borttyq poıyzdarda qoǵamdyq tamaqtandyrýdy uıymdastyrýda kompanıa Fransıa, Ispanıa, Ulybrıtanıa jáne Belgıadaǵy fılıaldarymen birge Eýropadaǵy absolútti kóshbasshy bolyp tabylady.
