San ǵasyrlyq muralardyń kıeli ordasyna aınalǵan Otyrar memlekettik arheologıalyq qoryq-mýzeıi Elbasymyz Nursultan Ábishuly Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda, Astananyń 20 jyldyǵyna oraı 18-mamyr Halyqaralyq mýzeı kúnine arnalǵan aýdan kólemindegi aǵash óńdeý, keste toqý, túrli metaldardy qoldana otyryp, daıyndaǵan qolóner buıymdary qolóner sheberleriniń ýyndylary men sýretshiler jármeńkesin ótkizýdi qolǵa alǵan bolatyn.
Osy oraıda, atalǵan sharaǵa Otyrar aýdandaǵy 40-qa jýyq qolóner sheberleri men qylqalam ıeleri qatysyp, 500-den asa týyndylaryn qoıdy.
Aıtýly jıyndy Otyrar aýdanynyń ákimi Aıtahanov Erlan Qýanyshuly quttyqtaý sózben ashyp berdi.
«Qazaq qolóneriniń ózindik kópǵasyrlyq shejiresi bar. Ol halyqtyń ómirimen, turmysymen birge damyp, urpaqtan urpaqqa berilip, ata-babalarymyzdyń erteden qasterlep baǵalaı bilgen dúnıesi. Qolóner dúnıe júziniń ár halqynda bar. Sonymen qatar ár eldiń, ár halyqtyń tarıhı damýyna, turmysyna, tarıhı ereksheligine jáne estetıkalyq talǵamyna baılanysty ózindik ereksheligimen óshpes iz qaldyrǵan.
Osy ónerdi kásip etken sheberler Otyrar óńirinde de az bolmaǵan. Olar Tegis usta, Tegisuly Aryn, Syzdyq Usta, Syzdyquly Nadaıymbek, Qaldaıaq usta t.b. Búginde olardyń qolynan shyqqan buıymdary kóne jádiger bolyp murajaıda saqtalsa, esimderi tarıh betterinde jazýly.
Sondaı-aq, Jańabek Mamyt, Baqytbek Amangeldıev, Januzaq Erimbetov t.b. otyrarlyqtar osy kisilerdiń búgingi jalǵasy ispetti»- dedi, aýdan basshysy.
Jármeńkeniń maqsaty - jergilikti qolónershiler men sýretshilerdiń qolynan shyqqan týyndylaryn kópshilik nazaryna usyna otyryp, óńirimizge keletin týrıserdiń halqymyzdyń qolónerine degen qyzyǵýshylyǵy men suranysyn týdyrý. Sondaı-aq, Jármeńkege qatysýshylar óz týyndylaryn kópshilikke nasıhattaýmen qatar satylymǵa shyǵara alady. Jyl saıynǵy mýzeıler merekesinde osy is-sharany dástúrge aınaldyrý arqyly óńirimizde atadan-balaǵa mıras bolǵan ulttyq ónerdi qaıta jańǵyrtý bolyp tabylady.
Sharaǵa qatysýshylar Otyrar memlekettik arheologıalyq qoryq mýzeıiniń ótken tarıhynan syr shertetin «Otyrar Ermıtajy» atty kórmesimen de tanysty.
