Sınoptıkter dúısenbi, 21 mamyrǵa arnalǵan aýa-raıy boljamyn jarıalady, dep habarlaıdy Qamshy.kz aqparat agenttigi, "Kazgıdromet" - ke silteme jasap. 

"Kazgıdromettiń" habarlaýy boıynsha, atmosferalyq fronttardyń ótýine baılanysty Qazaqstannyń keı jerlerinde jaýyn-shashyn jaýady, naızaǵaı men jeldiń kúsheıýi kútiledi. Al, ońtústik pen shyǵysta tuman bolýy yqtımal.

Qostanaı, Aqmola, Soltústik Qazaqstan, Pavlodar, Qaraǵandy oblystarynyń keı jerlerinde naızaǵaı, jeldiń kúshi sekýndyna 15-20 metrge deıin kúsheıedi, dep eskertti mamandar. Jambyl oblysynyń keı jerlerinde tuman, shańdy daýyl, jeldiń kúshi 15-20, ekpini sekýndyna 23 metrge deıin soǵady.

Ońtústik Qazaqstan, Qyzylorda oblystarynyń keı jerlerinde jeldiń kúshi sekýndyna 15-20 metr, shańdy daýyl kútiledi. Ońtústik Qazaqstan oblysynyń keı jerlerine tuman túsedi. Batys Qazaqstan, Aqtobe oblystarynyń keıbir aımaqtarynda naızaǵaı oınaıdy. Al, Shyǵys Qazaqstan oblysynda keı jerlerde tuman, kúndiz sekýndyna 15-20 metr jel soǵýy múmkin.