« ... Qazirgi densaýlyq saqtaý isi qymbatqa túsetin stasıonarlyq emge emes, negizinen aýrýdyń aldyn alýǵa baǵyttalýǵa tıis»
QR Prezıdenti N. Nazarbaevtyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» Joldaýynan
Batys Qazaqstan oblystyq onkologıalyq dıspanserde onkolog, medısına ǵylymdarynyń doktory, QR Densaýlyq saqtaý mınıstrliginiń onkologıalyq qyzmetti baǵalaý jáne monıtorıń júrgizý tobynyń jetekshisi Nurlan Baltabekovtiń qatysýymen medısına qyzmetkerlerine arnalǵan oqytý semınary ótýde.
«Bastapqy medısınalyq-sanıtarlyq kómek deńgeıinde qaterli isikti erte satysynda anyqtaý algorıtmi» taqyrybyn arqaý etken bes kúndik oqytý semınaryna qalalyq, aýdandyq aýrýhanalar men emhanalardyń jáne aýyl- dyq ambýlatorıalardyń 150-den astam medısına qyzmetkeri qatysýda. Qazaq onkologıa jáne radıologıa ǵylymı-zertteý ınstıtýtynyń onkolog-dárigeri Nurlan Baltabekovtyń aıtýynsha, atalmysh shara elimizdiń barlyq óńirlerinde uıymdastyrylyp otyr. Qaterli isikti erte satysynda anyqtaý jáne emdeý kórsetkishi boıynsha Batys Qazaqstan oblysy respýblıkada aldyńǵy qatarda. Áıtkenmen, aýdan-aýyldardaǵy medısı- na qyzmetkerleriniń bilimin arttyrý arqyly onkologıalyq aýrýlar- dy erte kezeńde anyqtaýǵa, sáıkesinshe naýqastyń keseldi jeńip shyǵýyna járdemdesýge bolady.
– Qaterli isik alǵashqy satysynda esh belgilersiz ótetindikten, skrınıngtik tekserýlersiz anyqtaý múmkin emes. Obyrdyń qaýiptiligi de osynda. Kóp adamdar aǵzadaǵy túrli aýytqýlarǵa mán bermeı, aýrý ábden asqynǵanda ǵana dárigerge qaralady. Oqytý semınarynda dárigerler men feld- sherlerge, meıirbıkelerge qaterli isiktiń alǵashqy belgileri, aýrý- dyń sebep-saldary, obyr alǵash anyqtalǵan naýqastar úshin moraldyq-psıhologıalyq kómektiń mańyzy týraly naqty keńester beriledi. Qaterli isik – úkim emes. Aýrý erte satysynda anyqtalsa, naýqas tolyq jazylyp shyǵady, – deıdi onkolog-dáriger. Qaterli isik aýrýynyń aldyn alý maqsatynda erteń Oral qalasyndaǵy oblystyq onkologıalyq dıspanserde «Ashyq esik» kúni ótedi. Qabyldaý 18 mamyrda Almaty kóshesi 58 mekenjaıyn- da ornalasqan oblystyq onkolo- gıalyq dıspanserdiń 127-bólme- sinde saǵat 10.00-16.00 aralyǵynda ótedi. Oblystyń kez kelgen turǵynynyń aldyn ala jazylýsyz tegin tekserýden ótip, onkolog-dárigerlerden keńes alýǵa múmkindigi bar.
Gúlim AQAP,
Batys Qazaqstan oblysy
