Elbasy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri »  atty Joldaýynda  joǵary bilim berý isinde « úlken derektermen» jumys isteý úshin aqparattyq tehnologıalar boıynsha bilim alǵan túlekter sanyn arttyrý, sondaı-aq İT, ınjınırıńtik qyzmet kórsetýdi damytý týraly aıtqan bolatyn. Oral qalasyndaǵy Jáńgir han atyndaǵy Batys Qazaqstan agrarlyq-tehnıkalyq ýnıversıtetinde  «SMART CITY, DIGITAL UNIVERSITY» forýmy aıasynda İT-alańynyń jobasy tanystyryldy.

- Smart city turǵyndarǵa qolaıly jaǵdaı týǵyzý úshin oılap tabylǵan. Ol úshin İT-qyzmetkeri bolý mindetti emes, biraq ár túrli ıdeıalar daıynda- lyp, engizilýi tıis. Sondyqtan birin- shi jáne ekinshi kýrs stýdentterin jobalarǵa qatysýǵa shaqyramyz, al biz óz kezeginde daıyn jobalar- dy ózderińizge berip, ony júzege asyrýǵa qarajat bóletin bolamyz. İT-kompanıalardyń ókilderi de forýmǵa shaqyrtý alǵandaryna qýanyshty ekendikterin jetkizdi. Sebebi stýdentterdiń qandaı joba usynatyny men qoldarynan qandaı dúnıe keletinin kórý qyzyq bolǵan.  Bizdiń kompanıa telekomýnıkasıa, avtomatıka men qaýipsizdik júıesiniń jetekshi júıelik ıntegratory bolyp tabylady jáne qalamyzdaǵy eń iri kompanıalardyń biri. Osyndaı forýmǵa birinshi ret qatysyp turmyn, basqa kompanıalardan kelgen árip­testerimniń pikirlerin tyńdadym, ýnıversıtet stýdentteriniń jobalary men taldamalary óte jaqsy, - deıdi «Avencom» JSHS-nyń jetekshi ınjeneri Sergeı Ishenko.  Sondaı-aq basqosýda sala mamandary óz usynystaryn jetkizdi.

- Oral qalasynda turǵyn úı- komýnaldyq sha­rýa­shylyqtyń ne­gizgi baǵyttaryn sıfr­lan­dyrý men smart-jeliler­di damytý boıynsha qanatqaqty jo­ba­lardy júzege asyrýda. Bilim júıesiniń de atalmysh úr­diske qosylýy mańyz­dy. Sondyqtan ozyq teh­no­logıa­lardy meń­ger­gen bi­­­lim­­di ma- mandardy daıarlaýmen shek­telip qalmaı, ýnıversıtette oqyp júrip, ózderi túrli jobalardy jasaqtap, ony óndiriske batyl engize alatyn kásibı maman tár­bıe­lep shyǵarýymyz kerek, - dedi forým- da sóz alǵan ýnıversıtet rektory Asqar Námetov. Oral qalalyq ákimdiginiń appa- rat basshysy Sáken Nurtazaev oblys ortalyǵynda qolǵa alynǵan 15 zamanaýı joba týraly baıandady. - Memleket basshysy «aqyldy qalalarǵa» kóp kóńil bólýde, - dedi apparat jetekshisi.

Joba jastardyń jańa ıdeıalaryn júzege asyrýǵa jáne zamanaýı tendensıalarmen tanysýǵa múmkindik bermek. Sondaı-aq otandyq jáne sheteldik joǵary oqý oryndarymen İT salasyndaǵy yntymaqtastyqty arttyrý, ozyq tehnologıalar boıynsha tájirıbe almasý jáne ınovasıalyq sala úshin mamandar daıarlaý máseleleri talqylandy.