OQO ákimi Janseıit Túımebaev oblys turǵyndaryn Uly Jeńis kúni merekesimen quttyqtady, dep habarlaıdy Qamshy.kz aqparat agenttigi.
"Qurmetti Uly Otan soǵysynyń ardagerleri, tyl eńbekkerleri!
Qadirli ońtústikqazaqstandyqtar!
Sizderdi 9 mamyr – Uly Jeńis kúni merekesimen shyn júrekten quttyqtaımyz!
Bul – Otan qorǵaýdaǵy óshpes erlik pen ólsheýsiz dańqtyń, halqymyzdyń sheksiz qaharmandyǵy men muqalmas qajyr-qaıratyn tanytqanaıtýly mereke.
Beıbit ómir men urpaqtyń baqytty bolashaǵy úshin otqa túsip, qaıǵy-qasiret shekken, sonyń bárin qaıyspaı jeńe bilgen ardagerlerdiń jankeshti erligi men eńbegi jadymyzdan eshqashan óshpek emes.Sizderdiń kórsetken qaısarlyqtaryńyz naǵyz otansúıgishtiktiń, kópultty tatýlyqtyń teńdessiz úlgisi bolyp tarıhta jazylyp qaldy.Sondyqtanda aqtańdaq jyldardaǵy el azamattarynyń jan aıamas jaýjúrektiligi men tyl eńbekkerleriniń eren eńbekterine biz árdaıym qurmetpen bas ıemiz.Syndarly sátte keýdesin oqqa tosqan batyrlarǵa aıryqsha qurmet kórsetý búgingi urpaqtyń perzenttik paryzy.
Qazaqstan Respýblıkasynyń Prezıdenti, Elbasymyz Nursultan Ábishuly Nazarbaev: «Qaısarlyq pen qaharmandyq, Otanǵa degen súıispenshilik asa qatygez surapyl soǵysta Jeńiske jol ashty» degen bolatyn.
Uly Otan soǵysyna Ońtústik Qazaqstan óńirinen 140 myńnan astam adam attanyp, olardyń jartysyna jýyǵy týǵan jerge oralmady. İİ Dúnıejúzilik soǵysta janqıarlyq erligi úshin ońtústikqazaqstandyq 51 azamatqa Keńes Odaǵynyń batyry ataǵy berilse, 8 jerlesimiz «Dańq» ordeniniń ıegeri atandy. Jaýjúrek qaısarlyǵy úshin myńdaǵan ardagerlerimiz túrli orden, medaldarmen marapattaldy. Búgingi tańda óńirimizde 174 Uly Otan soǵysynyń ardageri, 4885 maıdanǵa qatysýshylar men múgedekke teńestirilgender jáne 15733 tyl eńbekkerleri bar.
Qurmetti Uly Otan soǵysynyń ardagerleri men tyl eńbekkerleri!
Aýyr kúnderdegi adal eńbekterińiz ben belsendi azamattyq ustanymdaryńyz úshin alǵys bildiremiz!Osynaý erlikke toly kún tarıhymyzdyń máńgilik umytylmas paraǵy bolyp qala bermek.
Uly Jeńis merekesimen quttyqtaı otyryp, barshańyzǵa zor densaýlyq, uzaq ǵumyr, beıbit ómir men baq-bereke tileımiz!" - delingen habarlamada.
