OQO ákimi Janseıit Túımebaev oblys turǵyndaryn Qazaqstan Respýblıkasynyń Otan qorǵaýshylar kúnimen quttyqtady, dep habarlaıdy Qamshy.kz aqparat agenttigi.

"Qurmetti Otan qorǵaýshylar! Sizderdi memleketimizdiń aıbyndy merekesi 7 mamyr – Otan qorǵaýshylar kúnimen quttyqtaımyz!

Árbir Táýelsiz memlekettiń eń basty maqsaty – el tynyshtyǵyn qorǵaý, memleket tutastyǵyn saqtaý. Sondyqtan da bul kún – Otandy qadirleıtin, onyń tarıhyn qurmetteıtin, aıbyndy áskerimizdiń ataǵyn asqaqtatqan, memleketimizdiń qýatyn aıǵaqtaıtyn kún.

Búginde Elbasy, Qazaqstan Qarýly Kúshteriniń bas qolbasshysy Nursultan Nazarbaevtyń strategıalyq kóregendiginiń nátıjesinde Qazaqstan armıasynyń jańa kelbeti, otanshyl rýhy qalyptasty. Qarýly Kúshter memleketimizdiń turaqty kepiline aınaldy.

Osydan 26 jyl buryn qurylǵan Qazaqstannyń Qarýly Kúshteri elimizdiń eńsesin tiktep, erkindigimizdi keńeıtti. Ýaqyt talabyna saı áskerimiz jańaryp, onyń kúsh-qýaty jyldan-jylǵa nyǵaıyp keledi.

Konstıtýsıamyzben bekitilgen abyroıly mindetti oryndaý úshin Ońtústik Qazaqstan oblysynan kóktemgi jáne kúzgi áskerge densaýlyǵy myqty birneshe júzdegen jas azamat Qarýly Kúshterimizdiń qataryna shaqyrylady.Olar áskerı daıarlyqtan soń arnaıy bólimderde, shekara qyzmetinde el tynyshtyǵyn kúzetedi.

Sarbazdarymyz qashanda qurmet pen iltıpatqa laıyq. Bar ǵumyryn Otanyn qorǵaýǵa arnap, qyzmetin minsiz atqaryp kele jatqan áskerı qyzmetkerlerge alǵysymyzdy bildiremiz. Elimizdiń tynyshtyǵyn saqtaý jolyndaǵy jaýapty qyzmetterińizge qaısarlyq, qajymas densaýlyq, otbasylaryńyzǵa amandyq tileımiz!" - delingen quttyqtaý sózde.