«Biz Iran rejımine tarıhta bolyp kórmegen qarjylyq qysym jasaımyz. Buǵan shyndap kirisetinimizge olardyń kúmány bolmasyn», – dedi Pompeo 21 mamyrda.

Onyń sózderinshe, eger Iran rejımi saıasatyn ózgertpese, sanksıa saldary óte aýyr bolady.

«Iranda endi Taıaý Shyǵysqa ústemdik etýge eshqashan múmkindik týmaıdy», – dedi Pompeo.

Ol AQSH-tyń Iranǵa kontınentaralyq balıstıkalyq zymyran óndirýden bas tartý jáne Sırıadan áskerin shyǵarý jónindegi talabyn qaıtalady.

10 mamyrda Vashıngton Iranǵa qatysty sanksıany keńeıtken. Sanksıa tizimine Iran qarýly kúshteriniń elıtaly jasaǵyna jatatyn Islam revolúsıasy kúzet korpýsyna qatysy bar alty adam jáne úsh kompanıa kirgen. Bul korpýs tikeleı aıatolla Álı Hameneıge baǵynady.

8 mamyrda AQSH prezıdenti Donald Tramp Vashıngton ıadrolyq kelisimnen shyǵatynyn málimdegen. Ol sonymen birge Iranǵa qatysty sanksıany qaıta qalpyna keltirý jónindegi jarlyqqa qol qoıdy.

Iran prezıdenti Hasan Roýhanı ıadrolyq kelisimnen shyqpaıtynyn, esesine «ıadrolyq jumystaryn» qaıta jandandyrýy múmkin ekenin eskertti.

2015 jyly Ulybrıtanıa, Germanıa, Qytaı, Reseı, Fransıa jáne AQSH lıderleri Iranmen kelisimge qol qoıǵan. Oǵan sáıkes, Iran ıadrolyq baǵdarlamadan bas tartady, al Eýropalyq odaq pen AQSH Tegeranǵa qatysty sanksıany alyp tastaıdy.