Sottan tys tatýlasý ortalyǵyn qurý úshin Syr óńiri pılottyq aımaq retinde tańdalyp otyr. Bul týraly Qyzylorda oblysynyń ákimi Qyrymbek Kósherbaev Ortalyq komýnıkasıalar qyzmetinde «Rýhanı jańǵyrý» baǵdarlamasynyń aımaqta oryndalý barysy týraly ótken baspasóz konferensıasynda málimdedi. 

Joba sátti júzege asqan jaǵdaıda Qyzylorda oblysynyń tájirıbesi búkil respýblıkada eńgizilmek. 

«Elbasy N.Á.Nazarbaev daýlardy sottardan tys retteý ınstıtýttaryn damytýdy jalǵastyrý, usaq-túıek máseleler boıynsha daýlardy sheshý sottardan tys tártippen júrgiziletindeı tetikter qarastyrý jóninde naqty tapsyrmalar bergen bolatyn. Osyǵan oraı, Qazaqstan Respýblıkasynyń Joǵarǵy Soty «Sotsyz tatýlasý ortalyǵyn» qurý jobasy usynyp otyr jáne ony júzege asyrý úshin pılottyq aımaq retinde Qyzylorda oblysy belgilendi. Jaqsy tájirıbemiz de az emes. Sonyń biri N.İlıasov aýyly qoǵamdyq keńesiniń quramyndaǵy ardager aqsaqaldary qolǵa alǵan qyzmetti atap aıtýǵa bolady. Mundaı tájirıbeni keńinen qoldaný qajet», - dedi aımaq basshysy. 

Ortalyqta medıator, psıholog, daý-janjaldardy sheshetin mamandar jáne ózge de qyzmetkerler jumys isteıtin bolady. Munda taraptar óz qalaýymen kelisimge kele alady.