Syr dalasynyń tereń tarıhy, mádenıeti, ekonomıkalyq jetistigi qamtylatyn fotoalbomdy kitapqa AQSH pen Eýropa elderindegi arhıvterden Syr óńiriniń tarıhı oryndary týraly buryn jarıalanbaǵan fotoderekter engizilmek. Bul týraly Qyzylorda oblysynyń ákimi Qyrymbek Kósherbaev Ortalyq komýnıkasıalar qyzmetinde "Rýhanı jańǵyrý" baǵdarlamasynyń aımaqta oryndalý barysy týraly ótken baspasóz konferensıasynda málimdedi. 

Álbom úsh tilde shyǵarylady - qazaq, orys, aǵylshyn tilderi. 

«Osy jyly óńirimizdiń tereń tarıhy, mádenıeti, ekonomıkalyq jetistigi qamtylatyn fotoalbom negizinde jasaqtalǵan kitap jaryq kóredi. Kitapqa AQSH pen Eýropa elderindegi arhıvterden Syr óńiriniń tarıhı oryndary týraly buryn esh jerde jarıalanbaǵan fotoderekter engizilmek»,- dedi Qyrymbek Kósherbaev. 

Sonymen birge, «Rýhanı jańǵyrý» baǵdarlamasy aıasynda aımaqta ornalasqan tarıhı-mádenı eskertkishterdiń teleatlasy jáne aımaq tarıhynyń elektrondyq oqýlyǵy jaryq kóredi. Osynda ómir súrgen tarıhı tulǵalar, batyrlardyń erligi týraly ańyz-áńgimeler men jyraýlardyń qanatty sózderi týraly beınematerıaldar ázirlenedi. 

Sondaı-aq, eńbek adamynyń shynaıy beınesi kórsetiletin «Syrym meniń syrlasym» jáne ǵarysh salasynyń damýy týraly «Baıqońyr jáne kosmos» kitabyn ázirleý josparlanýda.