Qazaqstanda aýyl ákimderin endi turǵyndardyń ózderi saılaıtyn bolady. Bul týraly májilis otyrysynda ádilet mınıstri Marat Beketaev «Saılaý» týraly zańnamaǵa engizilgen ózgeristerdi tanystyrý barysynda málimdedi.
«Aýyl basshylary halyqtyń daýys berýi arqyly saılanatyn bolady. Olar tórt jyl merzimge saılanady», - dedi Beketaev.
Beketaevtyń aıtýynsha, aýyl, kent, kent okrýgterinde ákimderdi saılaý sharasyn ótkizý josparlanyp otyr. Úmitkerlerdi aýdan ákimderi usynady. Zańnamaǵa sáıkes, ózin úmitkerlikke usyný qarastyrylmaǵan.
