Almaty ýnıversıtetinde 31 mamyr saıası qýǵyn-súrgin jáne asharshylyq qurbandaryn eske alý kúnine oraı «Ult basyna tóngen qasiretti jyldar jáne rýhanı jańǵyrý» atty kesh ótti. Ótken tarıhqa qaıta úńilý keshinde stýdentter Alash kósemi Álıhan Bókeıhanov pen alash qaıratkerleri A. Baıtursynov, M. Dýlatov, M. Jumabaev jáne qazaq sovet ádebıetiniń negizin salýshylardyń biri, aqyn S. Seıfýllınniń ómiri jaıly shaǵyn kórinis qoıdy. HH ǵasyr basynda ult taǵdyry úshin ter tókken azamattardyń shyǵarmalarynan úzindi oqydy.

Qýǵyn-súrgin jáne asharshylyq qurbandaryn eske alý keshine Áýezov aýdandyq «Nur Otan» partıasy fılıaly ókili Sadyqbaeva Darıa Ábdiqulqyzy qatysyp, sóz sóıledi.

– Osyndaı tárbıelik máni bar is-sharany uıymdastyrýdaǵy negizgi maqsat-tárbıelep otyrǵan bolashaq urpaqqa Alash zıalylarynyń arman-murattarynyń rýhanı jańǵyrýmen sabaqtastyǵyn zerdeleýge uıytqy bolý. Stýdentterdiń boıyna otan súıgishtik, patrıottyq sezim, erlik, batyldyq, shyndyq, tózimdilik, qasıetterin darytý. Sonymen birge, saıası qýǵyn – súrgin qurbandary jóninde stýdentterge durys túsinik berý, olardyń saıası sanasyn oıatý, stýdentterdiń adamgershilik kózqarastaryn qalyptastyrý bolyp tabylady, - dedi Darıa Ábdiqulqyzy.

Osyndaı mańyzǵa ıe aıtýly datany eske alyp, keremet shara uıymdastyrýǵa uıytqy bolǵan ýnıversıtet rektory h.ǵ.d., profesor Ermaǵanbetov Mýbarak Ermaǵanbetulyna alǵysyn bildirdi. Óleń oqyǵan, kóriniske qatysqan qazaq tili men ádebıeti jáne tarıh mamandyǵynyń stýdentterine erekshe iltıpat kórsetti.

Kelesi sóz kezegi «Jaratylystaný jáne gýmanıtarlyq mamandyqtar» kafedrasynyń dosenti, t.ǵ.k. Zaryqbek Slambekovke berildi. Ǵalym Alash qaıratkerleriniń ómir joly men ult erteńi úshin jasaǵan mańyzdy qadamdary jaıly baıandama jasap, HH ǵasyr basyndaǵy qazaq dalasyndaǵy saıası-áleýmettik máselelerge toqtalyp ótti. Kesh sońynda oqytýshy-professor quramy men stýdentter Áýezov aýdandyq «Nur Otan» partıasy fılıaly ókili Sadyqbaeva Darıa Ábdiqulqyzymen estelik sýretke tústi.