Astana polısıasy saýda úıindegi eskalatorda qoly qysylyp qalǵan qyzǵa qatysty mán-jaıdy túsindirip berdi.

«Qyzdyń ájesiniń aıtýynsha, eskalatormen tómen túserde qyz ájesiniń qolyn jibere salyp, ózi tómen qaraı júrip ketken. Túsip bara jatqan ýaqytta qyzdyń qoly qysylyp qalǵan. Qalalyq balalar aýrýhanasynyń anyqtamasyna sáıkes, qyzdyń sol qolynyń ortańǵy saýsaǵy synǵan», - dedi İİD ókili.

Atalmysh oqıǵaǵa baılanysty QK-niń 306 babynyń 1 bólimi («Qaýipsizdik talaptaryn qanaǵattandyrmaıtyn qyzmetterdi kórsetý») boıynsha sotqa deıingi tergeý sharalary bastaldy.

Sonymen qatar, polısıa eskalatormen júrý barysynda tómendegi erejelerdi qatań saqtaýǵa keńes beredi:

-Balalardyń qolyn jibermeý ári qaraýsyz qaldyrmaý kerek;

-Qozǵalystyń baǵytyna qaraı qarap turýyńyz kerek, keri qarap kóterilmeńiz ne túspeńiz;

-Qozǵalyp bara jatqan eskalatorda júgirmeńiz, eskalatorǵa súıenbeńiz, shekteý syzyǵanan ótip ketpeńiz.

Eske sala keteıik, Jelide Astanadaǵy ortalyq saýda ornynda eskalatorda qoly qysylyp qalǵan 2 jastaǵy qyzdyń vıdeosy jarıalanǵan.