Almaty QR Densaýlyq saqtaý mınıstrliginiń Pedıatrıa jáne balalar hırýrgıasy ǵylymı ortalyǵynda Reseı mamandarynyń qatysýymen kózdiń qaterli isigi - retınoblastomany emdeýge arnalǵan sheberlik sabaǵy ótedi. Bul týraly Pedıatrıa jáne balalar hırýrgıasy ǵylymı ortalyǵynyń baspasóz qyzmeti málim etti.

Baspasóz málimetterine qaraǵanda, bul búginde shetelde emdelýdi qajet etip otyrǵan balalar úshin taptyrmas múmkindik. Sheberlik sabaǵynda retınoblastomaǵa shaldyqqan balalarǵa selektıvti ıntraarterıaldy hımıalyq terapıa (SIAHT) júrgiziledi.

Pedıatrıa jáne balalar hırýrgıasy ǵylymı ortalyǵy mamandarynyń aıtýynsha, retınoblastomaǵa shaldyqqan naýqastardy jedel emdeý sharasy Qazaqstanda alǵash ret júzege asyrylmaq.

«Atalǵan operasıa túri balalardyń kózderin saqtap qalýǵa múmkindik beredi. Operasıanyń ereksheligi de osynda»-dedi mamandar. Retınoblastomaǵa shaldyqqan tórt balaǵa operasıa jasaý úshin Reseıden N.N.Blohın atyndaǵy Onkologıalyq ulttyq medısınalyq zertteý ortalyǵynyń dárigerleri - angıohırýrg I.A.Trofımov jáne anestezıolog L.A.Martynov arnaıy shaqyrylǵan.

Bolashaqta QR Densalyq saqtaý mınıstrligi bekitip jatatyn bolsa, reseılik mamandar kórsetken ádis Pedıatrıa jáne balalar hırýrgıasy ortalyǵynyń tájirıbesine engiziletin bolady.