Alyp shaharda Qazaqstan regbı federasıasynyń birinshi prezıdenti Tóleýbek Abdyqadyrovty eske alýǵa arnalaǵan «Altyn Sopaq» atty regbı 7-den Qazaqstannyń ashyq chempıonaty aıaqtaldy.

«Avıator» stadıonynda balalar men jasóspirimder arasynda ótken oıyndardyń nátıjesinde óz jastary boıynsha uldar arasynda BJSMOR-1 (Taldyqorǵan), Olımp, Taldyqorǵan komandalary jeńimpaz atansa, qyzdardan birinshi orynǵa Almaty, Olımp jáne Astana komandalary ıe boldy.

«Oıynnan alǵan áserim tamasha. Fınalda taldyqorǵandyqtardan utylyp qaldyq. Ekinshi orynda jaman emes, byltyr altyn alǵan bolatynbyz. Qarsylastarymyz myqty boldy, bizge aýyzbirshilik jetispedi dep oılaımyn», - dep óz oıymen bólisti Almaty komandasynyń oıynshysy Rýslan Shaımýhametov.

Jeńimpazdar men júldegerler kýbok, medal, dıplomdarmen, al, úzdik oıynshylar arnaıy syılyqtarmen marapattaldy. Olar: úzdik qorǵaýshylar Bahram Halmetov (OQO), Darıǵa Ámirbekova (Astana); úzdik oıynshylar Aleksandr Galýshkın men Alena Drobovskaıa (ekeýide Almaty); úzdik shabýlshylar Oleg Gýsev (Almaty oblysy) pen Gúlim Bahytbek (Taldyqorǵan).

Aıta keter jaıt, bul chempıonatqa elimizdiń ár aımaǵynan jáne Qyrǵyzstan men Ózbekstannan kelgen 38 komanda qatysqan bolatyn. Olar Halyqaralyq regbı federasıasynyń erejesine sáıkes (World rugby) oıyn ótkizdi.