QR DSM Akýsherlik, gınekologıa jáne perınatologıa ǵylymı ortalyǵynda Qytaı Halyq Respýblıkasynyń Almatydaǵy bas konsýly Chjan Veı men ortalyq qyzmetkerleriniń kezdesýi ótti.

Atalǵan mekeme dırektory Dınara Myrzahmetovanyń aıtýynsha, Qytaı konsýldyǵy quny 2 mıllıon teńge bolatyn 10 kompúterdi ǵylymı ortalyqqa tartý etken.

«Shilde aıynan bastap qaǵazbastylyqtan qutylyp, biryńǵaı sıfrlandyrý júıesine kóshemiz. Osy rette bul Qytaıdyń bas konsýly atynan bizdiń ortalyqqa kórsetilgen úlken qaıyrymdylyq bolyp otyr», - dedi dóńgelek ústel basynda sóz alǵan Dınara Myrzahmetova. 

Ortalyq basshysy bolashaqta áriptestik baılanysty odan ári nyǵaıta túsý josparda baryn aıta ketti.

«Aldaǵy ýaqytta bilim, ǵylym salasynda Qytaı konsýldyǵymen kelisimge kelip, eki jaq mamandaryn almastyrý sharalaryn oılastyrmaqpyz. Bizdiń qyzmetkerler Qytaıǵa baryp, olar jaqtyń mamandary bizge kelip tájirıbe almasyp jatsaq, jaqsy bolar edi. Bir-birimizden úırenerimiz kóp dep oılaımyn», - dedi QR DSM Akýsherlik, gınekologıa jáne perınatologıa ǵylymı ortalyǵy dırektory Dınara Myrzahmetova.