«Sporttyq Almaty» baǵdarlamasy aıasynda úshinshi buqaralyq velosherý ótti.

Sherýge qatysatyndar sórege «Nurly Taý» bıznes ortalyǵynda jınaldy. 9 shaqyrym qashyqtyqty quraıtyn velosherý Abaı atyndaǵy Qazaq memlekettik akademıalyq opera jáne balet teatrynyń mańynda aıaqtaldy. Márede qatysýshylardyń arasynda baǵaly syılyqtar men velosıped oınatyldy. Basty syı, eki velosıped velosport bapkerlerine buıyrdy. 

«Biz árdaıym qatysamyz, biz úshin bul jattyǵý desek te bolady. Osymen ekinshi ret velosıpedti jeńip aldyq. Men «Apple team» komandasynyń bapkerimin. Ókinishke oraı, sportshylarǵa velosıped jetispeıdi. Sondyqtan, shákirtterime syılaımyn. Jańbyr jaýady dep boljansa da, qatysýshylar sany kóp. Bul keremet joba. Qala ákimdigi men sport basqarmasyna alǵysymyz sheksiz», - dedi jeńimpaz Janna Iýsýpova.

Aıta keter jaıt, osy velosherý «Sporttyq Almaty» qalalyq baǵdarlamasynyń qoldaýymen 2018-shi jyly josparlanǵan 21 velosherýdiń úshinshisi. «Sporttyq Almaty» baǵdarlamasy megapolıstegi buqaralyq sportty damytý maqsatynda júzege asyrylýda.