Almaty qalasynyń órt sóndirýshileri bir aı buryn órt qaýipsizdiginde kemshilikteri anyqtalǵan saýda ortalyqtary men bazarlarǵa qaıta bardy.

Sáýir aıynda ınspektorlar zańdar men erejelerde kórsetilgen talaptarǵa saı órt qaýipsizdigi júıelerin tekserý úshin adamdar eń kóp jınalatyn saýda ortalyqtary men bazarlarǵa, avtovokzaldarǵa barǵan. Olardyń kóbisinde zańsyzdyqtar tirkelgen. Arnaıy qyzmet ókilderi talapty buzýshylardyń barlyǵyna kemshilikterdi joıý úshin nusqaý berdi.

Mamyr aıynda ınspeksıa osy oryndarǵa qaıta baqylaý ótkizdi. Almaty qalalyq TJD baspasóz qyzmetiniń habarlaýynsha, tekseristerdiń nátıjesi boıynsha, aǵymdaǵy jyldyń 11 mamyrynda 16 nysanda órt qaýipsizdigi erejeleriniń buzylýy tolyǵymen joıylǵan.

1. «Mega park» saýda oıyn-saýyq ortalyǵy, Seıfýllın dańǵyly, 438;
2. «Spýtnık» saýda oıyn-saýyq kesheni, Mamyr-1 shaǵyn aýdany, 8 «A» úı.
3. «Eldáýlet» saýda ortalyǵy, Jetisý-1 shaǵyn aýdany, 40 úı;
4. «Galereıa» saýda ortalyǵy, Tımırázeva kósh. 42;
5. «ADK» saýda ortalyǵy, Sátbaev kósh. 90/2 B;
6. «Baýmarket» saýda úıi, Almaty q., Tóle bı kósh., 189 «A»;
7. «Nur» saýda úıi, Aqsaı-4 shaǵyn aýdany, 70 «B» úı;
8. «Aq-jol» shaǵyn marketi, Aqan seri kósh., 17;
9. «Saýdakent» Raıymbek batyr dańǵyly 237 «A»;
10. «Kúngeı men K» bazary, Moldaǵalıev kósh. 2;
11. «Almaty-1» bazary,  Sholohov kósh. 1;
12. «Semıreche» bazary, Rysqulov kósh .buryshy Qulja tasjoly;
13. «Alataý-2» bazary, Severnoe kolso kósh.8;
14. «Bolashaq» bazary, Severnoe kolso kósh. 12;
15. «Tastaq» bazary, Tóle bı kósh. 266;
16. «Altaı» bazary, Namanganskaıa kósh. 51.