Almaty zooparkinde Qazaqstandaǵy alyp jylan ómir súredi. Ol jýyq arada álem zooparkterindegi eń iri jylandardyń biri bolýy yqtımal.

Jalpy álem boıynsha anakonda men torly pıton jylandardyń ishinde alyby bolyp sanalady. 2003 jyly jumyrtqadan shyqqan 10 santımetrlik Sandra (laqap aty) 15 jyl ishinde aıtarlyqtaı ósken. Negizi torly jylandar ómir boıy uzaryp ósip turady.

«Búgin biz ony ólshedik. Ol 2018 jylǵy 1 mamyrdaǵy ólsheý nátıjesine sáıkes 5 m 10 sm qurady. Jylannyń ortasha salmaǵy 80 kg. Onyń minezi shataq, eń durysy oǵan artyq tısýge bolmaıdy. Bıyl torly jylanǵa 15 jyl tolady», - deıdi Almaty zooparki.

Zoopark mamandary mundaı uzyndyqtaǵy jylandardy ólsheý qıyn ári qaýipti ekendigin alǵa tartyp otyr.

Senimdi aqparat kózderine qaraǵanda, álemdegi eń uzyn torly jylan 7,5 metrdi quraıdy.