Búgin Almatynyń Bostandyq aýdanynda azamattyq qorǵanystyń qalalyq júıesiniń daıyndyǵyna jáne turǵyndardyń is–áreketine baǵyttalǵan josparly seısmıkalyq jattyǵý ótti. Jattyǵýǵa azamattyq qorǵanystyń, tótenshe jaǵdaılar departamentiniń barlyq qyzmetteri, medısına jáne basqa oqý oryndary qatysty.

Saǵat 9:30-da «Barlyqtaryńyzdyń nazarlaryńyzǵa!, sıgnaly berildi, medıa-server jattyǵýdyń bastalǵandyǵy týraly uqsas, sıfrly jáne radıokanaldy málimetterdi jibermeı ustap turdy. Habarlandyrýmen daýystap aıtatyn sıgnaldy qondyrǵylary bar patrúldi polısıa avtomobılderi aınalysty.

TJ qalalyq departamenti «Barlyqtaryńyzdyń nazarlaryńyzǵa!» sıgnaly berilisimen elektroenergıany, gazdy jáne sýdy jaýyp tastaý kerektigin eskertti. Qajetti zattar, qujattar, azyq-túlik salynyp, aldyn-ala daıyndalǵan («Tótenshe chemodan») sómkemen syrtqa shyqqan jón. Aýrý jáne syrqat adamdarǵa kómektesý qajet. Kópshilik jınalatyn jerden ashyq nemese erte daıyndalǵan orynǵa barý kerek. Mundaı jattyǵý megapolıste aıyna bir ret ótedi.

Almaty ákimi tótenshe jaǵdaılar kezinde ne isteý kerektiginen málimet beretin aqparattyq eskertpeni daıyndap, barlyq turǵyn úıler men jarnama konstrýksıalaryna ornalastyrýdy tapsyrdy.

«Kez-kelgen tótenshe jaǵdaı barysynda tez arada durys áreket jasaý qajettigin árkim bilýi tıis. Mundaı jumystardy turaqty júrgizgen jón, ásirese balalar men jastar arasynda», - dedi Baýyrjan Baıbek.

Jattyǵý barysynda qalalyq Qutqarý qyzmetiniń kúshimen №93 jalpy bilim beretin mektep aınalasyna jyljymaly medısınalyq, sonymen qatar azyq-túlikpen, qajetti zattarmen qamtamasyz etetin jyljymaly pýnktter bar palataly qalashyq ornalasty.