Almaty ákimi Baýyrjan Baıbek Evropalyq rekonstrýksıa men damý bankiniń birinshi vıse-prezıdenti Iýrgen Rıgterınkpen kezdesti. Taraptar megapolıstegi iri ınfraqurylymdyq jobalardy birigip júzege asyrý máselelerin talqylady.
Búgingi kúni ERDB ekonomıkalyq reformalardy júzege asyrý men ınfraqurylymdy damytýda elimizdiń jetekshi qarjy seriktesi bolyp tabylady. Iýrgen Rıgterınk óziniń sózinde JRK jáne TES-2 gazdandyrý syndy jobalardyń banktiń áleýmettik jáne ekonomıkalyq baǵyttaǵy standarttaryna saı keletinin aıtty.
Megapolıs basshysy kólik júıesin basqarýdyń álemdik jetekshileriniń birine aınalǵan jáne qoǵamdyq kólikti paıdalanýdyń sıfrly sheshimderiniń keń spektrin usynatyn fransýzdyń «Transdev» kompanıasy basshylyǵymen de kezdesti.
Latyn Amerıkasy, Ońtústik Evropa, Taıaý Shyǵys pen Solútstik Afrıkadaǵy «Transdev» tobynyń prezıdenti Brýno Sharrad qalanyń kólik reformasyn júzege asyrýǵa belsendi túrde qatysýǵa jáne osy istegi yntymaqtastyqqa qyzyǵýshylyq bildirdi.
