Almatyda osymen 5-shi ret dástúrli túrde qultemir qurastyrýdan ashyq chempıonat ótti. Halyq Arenada ótken jarysqa elimizdiń túkpir-túkpirinen bas-aıaǵy 315 komanda jınaldy. Aıtpaqshy, bıyl dodada alǵash ret bas júldege Almaty qalasy ákiminiń kýbogy tigildi. Ony komandalyq esepte kóbirek upaı jınaǵan komanda ıemdendi.
Bul kún sáýlesinen energıa alyp, sodan shańyraǵy qýattalatyn, al esigi aıdı karta arqyly ashylatyn smart kıiz úı. Interaktıvti keshenniń ereksheligi sol, kıiz úı ortasynan birneshe bólmege bólinip, jyljymaly platforma arqyly qozǵalady. Iaǵnı, púlt arqyly ony basqaryp, ózińiz qalaǵan bólmege kirýge múmkindik bar. 3-shi synyp oqýshylary jobaǵa 2 aıǵa jýyq ýaqyt jumsapty. Oılaǵandary júzege assa, onda kıiz úıge degen qyzyǵýshylyq artyp, ata dástúr eshqashan umytylmaıtyn edi, deıdi ónertapqyshtar.
«Eki dachıkpen jumys jasaıdy. Domofonnyń kilti arqyly esigi ashylady mehanızmi. Ekinshi myna kartochka arqyly ishinde eki bólme bar. Sol bólmede kýhnámyz zalǵa aınalady. Sıfrlyq tehnologıany qoldaný arqyly biz bólmeniń jańaǵy bólmeni úlkeıtý týraly. Bólmeniń úlkendeýi týraly», - dedi joba jetekshisi Gúlshat QASYM.
Ashyq chempıonatqa byltyr 220 top qatyssa, bıyl bul san eselene túsken. Jarysta 73 komanda ınjenerlik joba ákelse, elýi baǵdarlama oılap taýypty. Al 147 komanda jasaǵan qultemirlerin kórsetip, kópti tań qaldyrdy. Bir qyzyǵy, ınovasıalyq dodaǵa qatysýshynyń eń kishisi 7-de bolsa, en úlkeni nebári 21 jasta. Inovasıalyq jobalarǵa qyzyǵýshylyq tanytyp, ǵylymdy damytýǵa úles qosyp júrgen jastarǵa qala ákiminiń orynbasary Almas Mádıev tánti boldy.
Chempıonatqa mektep, úıirme, kolej jáne ýnıversıtet stýdentteri qatysty. Eki kúnge sozylǵan ashyq chempıonattyń júlde qory - 2 mıllıon teńge. Oǵan qosa, qos ýnıversıtette eki rektor oqý granty utysqa tigildi. Sondaı-aq jobanyń demeýshileriniń baǵaly syılyqtary da daıyndap qoıǵan. Jobalardy baǵalaıtyn 100 qazy ár túrli salanyń mamandary. Olar aqyldy tehnıkanyń bolashaqta iske jaraýy sekildi birneshe krıterııge mán beripti.
«Bizdiń chempıonattan shyqqan birneshe jobalar bızneste engizilip, nátıje berip jatyr. Tyń jumystardy oqýshylar usynǵan. Jyl saıyn osyndaı paıdaly jobalar júzege asyp keletini qýantady. Jumystar kúrdelenip, shynynda da adam ómirin jeńiltetini bastaǵany baıqalady. Mysaly, alǵashqy jyldary legodan jasalǵan, ońaı dúnıelerdi, jer sýǵaratyn qurylǵylardy ákelse, qazir aqyldy úı, aqyldy jylyjaı jobalary bar», - dedi Almaty qalasy bilim berý salasyndaǵy jańa tehnologıalar ortalyǵynyń dırektory Andreı DÝPIK.
Sonymen 2 kúnge sozylǵan ashyq chempıonatta Almaty ákiminiń kýbogyna Nazarbaev zıatkerlik mektebiniń oqýshylary ıe boldy. Utysqa tigilgen qos grantty qalanyń eki mektebi ózara bólisip aldy.
