Almatydaǵy halyqqa qyzmet kórsetý ortalyqtary osy jyldyń İ toqsanynda 1 mıllıonnan astam qyzmet kórsetken. Sonyń ishinde basym bóligi ortalyqta kórsetilse, qalǵany elektrondy úkimet portaly arqyly júrgizilgen. Qazirgi tańda sıfrlyq halyqqa qyzmet kórsetý ortalyqtarynyń tıimdiligi artýda. Qalada mundaı arnaıy oryn Almaly aýdanynda jumys istep jatyr. ¤

Stepan Tımofeev elektrondy úkimet portalyn qoldanýdy jaqynda úırengen. Ony meńgerge halyqqa qyzmet kórsetý ortalyǵyndaǵy mamandar kómektesipti. Búginde oqytý kýrstary barlyq oryndarda júrgiziledi. Jańa joba azamattarǵa ýaqyttaryn tıimdi paıdalanýǵa múmkindik beredi, deıdi ol.

«Oqytý kýrsyna tek 30 mınýt ýaqyt qajet. Keıinnen óz betińshe úırengenińdi arnaıy zalda teksere alasyń. Óte jaqsy jasalǵan. Endi túrli anyqtamany alý úshin halyqqa qyzmet kórsetý ortalyǵyna barýdyń qajeti joq. Úıde otyryp-aq kerekti qujattardy shyǵaryp alýǵa bolady», - dedi Stepan Tımofeev.

Oqytý kýrstarynan bólek, ortalyq qyzmetkerleri sıfrlyq saýattandyrý jumystaryn júrgizýde. Osy ýaqytqa deıin 200-den asa shara ótken. Ol arqyly 14 myń azamat qamtylǵan. Sondaı-aq halyq qarasy qalyń qoǵamdyq oryndarda arnaıy pýnktter jumys isteıdi. 

«Barlyq front ofıstardy baıqasańyzdar, Almaty qalasynda bolsyn, búkil elimizde halyqtyń sıfrlyq qyzmet alýyna yńǵaılap oryndyqtardy, ústelderdi soǵan yńǵaılap qoıyp jatyr. Buryn adamdar daıyn otyrǵan mamandarǵa júginetin edi. Al búginde kelgende ústelder qoıylǵan. Sol jerge qyzmet alaıyn dep keledi», - dedi  Almaty qalasy Halyqqa qyzmet kórsetý ortalyǵy departamenti qoǵammen baılanys jónindegi menedjeri Jańyl Apetova.

Jobanyń negizgi maqsaty - turǵyndarǵa elektrondyq qyzmetterdi úı jaǵdaıynda alýǵa úıretý. Sóıtip Elbasynyń «Sıfrly Qazaqstan» baǵdarlamasynda aıtylǵan mindetterdiń bir baǵytyn oryndaý. Bıyl halyqtyń sıfrlyq saýattylyǵyn 78,5 paıyzǵa deıin arttyrý kózdelgen.