Otan qorǵaýshylar kúni qarsańynda Almatydaǵy «Ońtústik» óńirlik qolbasshylyǵynyń sarbazdary marapattaldy. Bas-aıaǵy 60-taı áskerı qyzmetkerge túrli medaldar tabystaldy. Máselen, İshki ister mınıstrliginiń «Minsiz qyzmeti úshin» I-shi, II-shi jáne III-shi dárejeli tósbelgileri 14 qyzmetkerge, Ulttyq Ulannyń bas qolbasshy tósbelgisi qyzmette úzdik atanǵan bes jaýyngerge berildi. Sondaı-aq «Qoǵamdyq tártipti saqtaǵany úshin» tósbelgisimen tórt sarbaz marapattaldy. Oǵan qosa, jyl boıy tynbaı eńbek etken úsh adamǵa Ulttyq Ulan belgisi bar qol saǵat tartý etildi. Ár jyl saıyn mereke qarsańynda rýhty kóterý úshin marapattaýlar ótedi, deıdi áskerıler.

«Aldymyzda Uly Jeńis meıramy jáne de Otan qorǵaýshylar kúni soǵan arnap, marapattaý bolyp jatyr bizde. Áskerı qyzmetshiler de, onyń ishinde bizdiń ardagerlerimiz bar. Sol kisilerge İshki ister mınıstrliginiń jáne Ulttyq Ulan bas qolbasshysynyń marapataýy bolyp jatyr», - dedi «Ońtústik» óńirlik qolbasshylyǵy kadr bóliminiń basshysy Nurmahan Oralbaev.

Marapattaý sharasy Almatydaǵy «Batyr» prezıdenttik polki basqarmasynda da jalǵasty. Áskerı bólimde mereıli mereke qarsańynda eleýli eńbegimen kózge túskenderge tósbelgi tabystaldy. Sondaı-aq Medeý aýdany ákiminiń alǵys hatymen 20 shaqty áskerı qyzmetkerler marapattaldy. Búgin Elbasynyń jarlyǵymen áskerı bólimniń bir sarbazy «Aıbyn» ordenine ıe boldy.

«Uly Otan soǵysy ardagerlerine  degen qurmet áskerı qyzmetshilerde árdaıym úlken dárejede, joǵary deńgeıde. Ol kisilerdiń eńbekterin baǵalap, batyrlyq qasıetterin kórsetý - bizdiń basty mindetimiz bolyp tabylady. Elbasy Nursultan Ábishuly Nazarbaevtyń aldynda elimizdiń, halqymyzdyń aldynda mindetterimizdi joǵary deńgeıde atqarý jáne jaýyngerlik deńgeımizdi ustaýǵa bizdiń basty mindetimiz jáne bizge tikeleı qatysty», - dedi №0111 Áskerı bóliminiń «Batyr» prezıdenttik polki basqarmasy kadr bóliminiń basshysy Tólendi Karbozov.