Búgingi kúni Almatyda 4 myńdaı ÚEU bar nemese olar barlyq qazaqstandyq qoǵamdyq uıymdardyń 20%-dan astamyn quraıdy. Atalǵan qujatty qabyldaý azamattyq qoǵam, din salalary men jastar arasynda úzdik praktıkterdi, memlekettik saıasatty júzege asyrýdyń formalaryn men mehanızmderin praıdalana otyryp, yntymaqtastyq múmkindigin keńeıtýge yqpal etedi.
Jıyn barysynda Baýyrjan Baıbek Almaty ákimdiginiń qalanyń qoǵamdyq uıymdarymen yntymaqtastyqty nyǵaıtý jóninde naqtyly usynysy bar ekenin jáne ony áleýmettik bastamalardy qoldaý arqyly oryndaýǵa bolatyndyǵyn atap ótti. Ol munyń dıalog mádenıeti men jaýapkershilikti arttyrýdaǵy mańyzy shart ekenin aıtty.
«Ashyqtyq, eseptik jáne azamattyq qoǵamdy barynsha keńinen tartý - bizdiń jumysymyzdyń basty qaǵıdalary. Qazirgi kezde barlyq áleýmettik mańyzy bar jobalar men sheshimder qalanyń Qoǵamdyq keńesinen saraptamasynan ótýde. Megapolısti damytýdyń «Almaty-2020» strategıalyq baǵdarlamasy alǵash ret qala turǵyndary arasynda keńinen qoǵamdyq talqylaýdan ótken soń ǵana qabyldandy», -dedi megapolıs ákimi.
Óz kezeginde Darhan Qaletaev Jol kartasynda birqatar birikken sharalar ótkizý qarastyrylǵanyn aıtty. Máselen, Almatyda Azamattyq ortalyqty ashý, ÚEU ókilderin úıretý úshin semınarlar ótkizý jáne qala ýnıversıtetteriniń «U38» Alánsymen yntymaqtastyq ornyqtyrý josparlanǵan.
Din salasynda qala ımamdarynyń kásibı biliktiligin artyrý úshin kýrstar, respýblıkalyq semınarlar men trenıńter ótkizý, aqparattyq-túsindirý materıaldaryn jasaý josparlanǵan. Jastar saıasatyn júzege asyrý aıasynda TMD memleketteri qatysýshylary jastarynyń Forýmyn jáne eriktilerdiń respýblıkalyq sletin uıymdastyrý belgilengen.
