335 almatylyq memlekettik basqarý akademıasynan bilim aldy.

Jyl basynan beri Almatynyń 335 memlekettik qyzmetshisi Prezıdent janyndaǵy memlekettik basqarý akademıasynan bilim alǵan. Biliktilik arttyrýǵa jyl aıaǵyna deıin taǵy 600-den astam qyzmetshi kelmek. Qaıta daıarlaý kýrsynan ótken mamandarǵa   jumysta jemqorlyqqa jol bermeý joldary men ádep qaǵıdalary oqytylady. Sebebi, quqyqtaryn jetik bilmegendikten  keıbir qyzmetshiler ózderiniń tártiptik keńeske salynyp, zańsyz ákimshilik jazaǵa tartylyp jatqandyqtaryn da bilmeı qalady eken. Memlekettik qyzmet isteri jáne sybaılas jemqorlyqqa qarsy is-qımyl agenttiginiń óńirlik mamandary byltyr jazyqsyz ákimshilik jaýapkershilikke tartylǵan 13 oqıǵany anyqtap, qyzmetkerlerdi aqtap alǵan. Jalpy Almatydaǵy 80-ge jýyq memlekettik mekemede bes myńnan astam adam shtattyq kestede jumys isteıdi.  

«Basty maqsatymyz - memlekettik qyzmetshilerdiń  ádepti bolý jaǵyn qarastyrý. Onsyz kásibı memlekettik apparat qurý múmkin bolmaıdy. Osy maqsatta tártiptik is qaraýdy  memlekettik qyzmetshi  óziniń boıynan ótkizip, sol  osynda alǵan bilimin  qyzmetinde paıdalanyp, quqyq buzýshylyqqa jol bermeýdi nyǵaıtý», - dedi Almaty qalasy Memlekettik qyzmet isteri jáne sybaılas jemqorlyqqa qarsy is qımyl departamentiniń bas mamany  Marat DOSYMBEK.